Расул Гьамзатовну 90 йыллыгъын белгилей

Алдагъы гюнлерде Расул Гьамзатовну 90 йыллыгъына багъышлап Магьачкъала-Нальчик интернет байлавлукъдан таба ёлугъув оьтгерилди.

Бу ёлугъувну сиптечилери гьисапда Дагъыстан Республиканы милли политикагъа къарайгъан министерлиги ва Къабарты-Балкъар республиканы маълумат къураллагъа, жамият ва дин къурумлагъа къарайгъан министерлиги булан бирликде оьтгердилер.

Дагъыстанны халкъ шаирини 90 йыллыгъына багъышлангъан бу адабият ёлугъув Магьачкъалада Расул Гьамзатовну атындагъы фондну видео-конференц залында, Нальчикде буса Къабарты-Балкъар республиканы маълумат къураллагъа, жамият ва дин къурумлагъа къарайгъан министерлигини видео-конференц залында юрюлдю.

Адабият ёлугъувда эки де республикаланы министерликлерини вакиллери, жамият бирлешивлени ортакъчылары, школаланы охувчу яшлары ортакъчылыкъ этди.

Адабият ёлугъувну ортакъчыларын ДР-ни милли политикагъа къарайгъан министри Алексей Гьасанов къутлай туруп булай деди:

–Къабарты-Балкъар республикада да Расул Гьамзатовну яратывчулугъу генг кюйде белгили экени сююндюре, ону поэзиясы яшёрюмлени патриот ругьда тарбиялай. Бугюнгю ёлугъув хоншу миллетлени къурдаш аралыкъларын беклешдире.

Интернет байлавлукъну кёмеги булан Расул Гьамзатовну яратывчулугъу бирлешдирген ёлугъувда Дагъыстан Язывчуланы союзуну правлениесини председатели Магьаммат Агьматов, Расул Гьамзатовну къызы Салигьат Гьамзатова Къабарты-Балкъар республиканы маълумат къураллагъа, жамият ва дин къурумлагъа къарайгъан министри Мухадин Кумахов ва Магьачкъаладагъы школаланы охувчу яшлары ортакъчылыкъ этди.

–Дагъыстанны магъа оьз заманында Расул Гьамзатовну «Мени Дагъыстаным» деген китабы ва ону поэзиясы булан танытды. Биз «Дагъыстан» дегенде, Расул Гьамзатовну эсге алабыз, «Гьамзатов» дегенде буса, Дагъыстан гёз алгъа геле. Муна шу – шаирни лап да тамаша гючю.

Расул Гьамзатовну 90 йыллыкъ юбилейине багъышлангъан интернет ёлугъувда огъар багъышлангъан фильм де гёрсетилди.

Патимат Бекеева.

Авторизация
*
*
Регистрация
*
*
*
Согласны с условиями сайта?
Генерация пароля