Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Байлавлукъ янгыдан гючге гире

Байлавлукъ янгыдан гючге гире


Шо гьакъдагъы янгы къарар май айны 16-сында къабул этилген. Шону булан бирге, бир жура овощланы буссагьат да гийирмеге ярамай. Неге тюгюл, оьрде эсгерилеген къарар къабул этилеген вакътиде шо овощлагъа байлавлу ахтарывлар лабораторияны шартларында юрюле болгъан.

Россельхознадзорну ёлбашчысы Сергей Данквертни сёзлерине гёре, буссагьатгъы вакътиде Тюркияда оьсдюрюлеген емишлени ва овошланы бизин уьлкеге гийирмеге изну бермес учун бир себеп де къалмагъан. Шону булан бирге, ол эсгерген кюйде, Тюркиядан гелеген емишлени ва овошланы сан янына байлавлу тасдыкъ этилген гесимлеге жавап бермейген гезиклер болса, шоланы бизин уьлкеге гийирив янгыдан гери урулажакъ.

–Тыш пачалыкъларда оьсдюрюлген емишлени ва овошланы бир себепсиз бизин уьлкеге гийиривню гери урмакъ алдыбызгъа салынгъан аслу борч тюгюл. Россияны ватандашларыны савлугъуна зарал этмеге болагъан ашамлыкъ малланы малим этип, шоланы пайдаландырывдан тайдырмакъ бизин аслу мурадыбыз гьисаплана,– деген Россельхознадзорну ёлбашчысы дагъы да. –Бугюнлерде, демек, Тюркияда оьсдюрюлеген емишлени сан янына байлавлу бизин талапларыбызны барысын да кютген сонг, Россиягъа шоланы гийирмекни гери урмагъа себеплер къалмагъан.

Шондан къайры да, гележекде Россияны гьакимлик къурумлары бизин уьлкеде иш гёреген тюрк къурулуш компаниялагъа байлавлу къабул этилген гери урувланы да енгиллешдирмеге бола. Шолай чаралар гёрюлмесе, 2018-нчи йылда футбол оюндан бизин уьлкеде юрюлежек чемпионатны оьтгермек учун къурулагъан имаратланы токъташдырылгъан болжалларда пайдаландырывгъа бермеге бажарылмажакъ. Шо гьакъда «Коммерсант» газетге асасланып, «Новости» деген маълумат агентлиги билдире.

Гьакимликни федерал къурумларыны бирисини къуллукъчусуну сёзлерине гёре, къурулуш булан болагъан тюрк компаниялар, эгер де россиялы компаниялар булан бирге чалышса, бизин уьлкеде къалажакъ. Башгъа бир къуллукъчу айтагъан кюйде буса, 2015-нчи йылны ноябр айыны 30-ндан сонг байлангъан далапчылыкъ ва пачалыкъ ды­гъарланы яшавгъа чыгъарыв булан машгъул болажакъ шолай бирлешген предприятиелени къурмагъа тюшежек.

Оьрде эсгерилеген газетде билдирегенге гёре, 2018-нчи йылда футбол оюндан бизин уьлкеде юрюлежек чемпионатны оьтгерегенде пайдаландырылажакъ имаратланы къурагъан компаниялагъа бир тюрлю енгилликлер токъташдырылмагъа бола. Тюрк компаниялар буссагьатгъы вакътиде спорт имаратлар булан бирге къонакъюйлени къурувда да ортакъчылыкъ эте, олай да шоланы айланасын бе­зендирив ва оьзге онгайлыкъланы болдура. Шолай тюрк компанияланы санаву буссагьатгъы вакътиде 30-дан да оьте. Шолар кютеген ишлеге, умуми кюйде алгъанда, 60 миллиард манатдан да къолай акъча маялар гетежек.

Бугюнлеге ерли тюрк компаниялар булан бирлешген предприятиелени къурувну ёругъу мекенлешдирилмеген. Шону яшавгъа чыгъармакъ учун Россияны экономика якъдан оьсювюне къарайгъан министерлиги тийишли къарар къабул этмеге тарыкъ. Шо къарарда буса бир тюрлю енгилликлер булан пайдаланмагъа болагъан тюрк компанияланы танглавну ёругъу мекенлешдирилмеге тюше. Бугюнлерде белгили болгъаны йимик, эсгерилген министерлик шолай къарарны проектин малим этген.

Шонда белгили болагъан йимик, гери урувлар компаниялар булан байлангъан гьеч бир ды­гъарны да яшавгъа чыгъармакъ учун четимликлер тувдурмай. Айрыча айтгъанда, 2018-нчи йылда оьтгерилежек чемпионатны вакътисинде пайдаландырылажакъ имаратланы къурувгъа байлавлу дыгъарлар да яшавгъа чыкъмай къалмажакъ.


Бизин мухбирибиз.

Количество показов: 421
17.06.2016 12:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта