Г. Халидов

Инженер-изобретатель Гьамит Юсупович Халитов «Ёлдаш» газетни охувчуларын етип гелеген Янгы йыл булан къутлай.

Муна бирдагъы бир йыл оьтдю. Мен гьакъ юрекден «Ёлдаш» газетни бары да къуллукъчуларын Янгы йыл байрам булан къутлайман. Бизин къумукъ халкъ учун сиз этеген пайдалы ишлер, оьтгереген чаралар – кёп уллу агьвалат. Къумукъ халкъны тарихинден, маданиятындан, инчесаниятындан сиз газетни бетлеринде ерлешдиреген маълуматлар, чебер асарлар халкъ учун кёп пайдалы. Газетни сайты да гьар тюрлю тыш пачалыкъларда яшайгъан къумукъланы да бирлешдирип, халкъыны арасында болмагъа, халкъыны адабияты, гьар гюн юрюлюп турагъан яшаву булан таныш болмагъа имканлыкълар ярата. Бу да макътавгъа лайыкълы.

Гьар оьзюн къумукъман деп гьисап этеген адам оьз халкъыны тарихинден англаву болмагъа герек йимик, ону бугюнгю яшаву булан да таныш болмагъа, къысматында ортакъчылыкъ этмеге де герек. Шону булан бирче мен оьзюн къумукъ деп гьисап этеген адам къумукъ газетлеге, журналлагъа да язылып, оьзюню къошумун этмеге борчлу деп айтмагъа сюемен.

«Ёлдаш» газетни охувчуларын да мен етип гелеген Янгы йыл булан гьакъ юрекден къутлай туруп, гьаракатчы болмакъны, редакция булан эринмей байлавлукъ юрютмекни ёрайман. Олар янгыз охувчулар болуп къалмайлы, гьариси оьзлени талчыкъдырагъан масъалаланы газетни къуллукъчуларына билдирип, бирлешип, якълап чалышмакъны ёрайман.

Къумукълар гьар заманда да гьакъыллы, культуралы халкъ гьисапда танылып гелген. Янгы йылны да парахатлыкъда, савлукъда, насипли кюйде оьзденлигибиз булан къаршылама насип болсун.

Авторизация
*
*
Регистрация
*
*
*
Согласны с условиями сайта?
Генерация пароля