Россияны жыйым командасында 59 кило авурлукъда уьчюнчю ерни Аштархан шагьардагъы Олимпия чемпион Борис Кузнецовну атындагъы яшланы спорт школадан 14 йыллыкъ къумукъ яш Гьасан Магьамматов къазангъан.

Европаны чемпионатыны бронза медалын къазангъан улан Хасавюрт районну Хамавюртунда тувгъан. Ол бокс булан машгъул болагъаны дёртюнчю йыл. Яш боксёр Аштархан шагьарны ва Къыбла-Федерал округну чемпиону да дюр. Гетген йыл Гьасан Магьамматов Анапа шагьарда оьтгерилген Россияны чемпионатында биринчи ерни алгъан. Россияны 2012-нчи йылдагъы чемпионатында буса уьчюнчю савгъатгъа да ес болгъан.

Гелеген йыл ол Россияны жыйым командасы булан яшланы арасында оьтгерилежек дюньяны чемпионатында ортакъчылыкъ этежек.

 

 

 

Измулла ГЬАЖИЕВ.