– Йыллар гете, заманлар алышына. Шоланы гьар бирисини оьзтёрече сыпаты ва гьаллары да бола. Сав адам, юрекге мурат тутуп, шону яшавгъа чыгъармагъа белсенегени белгили. Къасткъылгъан къала къурар. Муна биз гьали оьзюн тарихге узатагъан 2019-нчу йыл магъа оьрлюкню бир нече канзисине минмеге насип болду. Айтагъаным, дюнья оьлчевюнде даражасы булангъы журналларда мени уьч илму макъалам чыгъарылды. Шо да уллу ишми дагъы деп ойлашагъанлар да болмагъа бола. Тек шону агьамиятын алим гишилер чи англажакълар.
Урологланы Европадагъы Ассоциациясыны сувъярав, таш аврувлагъа къарайгъан бёлюгю бар. Шогъар EULIS деп айтыла. Бугюнге ерли мен шо даражада Россияны биргине-бир вакили болуп токътайман.
Бирдагъы сююнчюмню айтсам,о да – магъа къыз тувгъаны. Аллагь ону ирисли этсин!
Гьали буса мен халкъымны Янгы йыл булан таза юрекден къутламагъа сюемен. Савлукъ, насип, аманлыкъ, тутгъан касбу планларыгъызны яшавгъа чыгъарывда жанлы гюч ва ругь ёрайман. Сизин барыгъызгъа да сююнч, рагьму, токълукъ ва оьрлюклер ёрайман!
