Он дёртюнчю февральда Испанияны Марбелье шагьарында магьачкъалалы «Анжи» болгариялы «Любимец» деген команда булан футбол майданда ёлукъду. Россияны чемпионатына гьазирлик гёрювню ахырынчы жыйымында шу ахырынчы оюн эди.
Энни гелеген оюнлар «Анжини» хас оюнлары болажакъ. Бу айны 20-сында Раменское деген Москваны тюбюндеги шагьарда 27-синде буса Бельгиядагъы Генк шагьарда биз Европа лиганы ярым финалында ойнажакъбыз. Шо эки де оюндан газетде материал язма хыялым бар.
«Любимец» булангъы оюнда «Анжи» оюнну башындан тутуп чапгъынлар этип турду. Оюн башланып, он минут да гетмейли, Исламнур Абдулавов (паравуллу къумукъ яш) «Любимецни» якълавчусундан топну алып, къапучу Вильков булан бетге-бет чыгъып, санавну ачды – 1 — 0. Биринчи таймда нечакъы къоркъунчлу мюгьлетлер болса да, «Анжи» дагъы топ гийирип болмады. Оьзлеге тюшген юз процентли мюгьлетлени Соболев къапуну гёнделен багъанасына уруп, Ангбва топну Вильковну къолуна берип ва Къазимагьамматов къапуну алдындан барагъан топгъа етишип болмай къолдан чыгъарды.
Танапусдан сонг экинчи таймгъа Гьажи Муслимович команданы составын толу кюйде алышдырды. Шолайлыкъда, бу оюнда команданы йигирма эки футболисти ортакъчылыкъ этди.
Алтмыш экинчи минутда Александр Алиев, Ещенкону пасындан пайдаланып, болгарлагъа экинчи топну гийирди. Етмиш экинчи минутда бизин Сердер Сердеров башы булан уьчюнчю топну гийирди. Арадан етти минут гетип, Бухаров бек гьилла булан урулгъан штрафнойну натижасында санавну 4 — 0 этди.
Дёртюнчю голдан сонг да «Анжи» «Любимецни» къапусуна оюн битгинче чапгъын этип турду. Алиев ва Епуряну чу юз процентли мюгьлетлерден пайдаланып бажармады.
Баш тренерибиз оюн битгенде берген баянлыгъында командагъа разилигин билдирди, биринчи таймда Тагьирбековну гючлю ойнагъанына шагьатлыкъ этди ва бу оюнда команданы къапучулары ишсиз «къалгъанына» бираз къыйналгъанын билдирди. Энни – Европа лига! Март айны 9-нда буса Россияны чемпионаты башлана. «Анжи» оьзюню майданында къазанлы «Рубинни» къаршылажакъ.
Суратда: Абдулавов бир секунддан топну Вильковну къапусуна гийире.
Энни гелеген оюнлар «Анжини» хас оюнлары болажакъ. Бу айны 20-сында Раменское деген Москваны тюбюндеги шагьарда 27-синде буса Бельгиядагъы Генк шагьарда биз Европа лиганы ярым финалында ойнажакъбыз. Шо эки де оюндан газетде материал язма хыялым бар.
«Любимец» булангъы оюнда «Анжи» оюнну башындан тутуп чапгъынлар этип турду. Оюн башланып, он минут да гетмейли, Исламнур Абдулавов (паравуллу къумукъ яш) «Любимецни» якълавчусундан топну алып, къапучу Вильков булан бетге-бет чыгъып, санавну ачды – 1 — 0. Биринчи таймда нечакъы къоркъунчлу мюгьлетлер болса да, «Анжи» дагъы топ гийирип болмады. Оьзлеге тюшген юз процентли мюгьлетлени Соболев къапуну гёнделен багъанасына уруп, Ангбва топну Вильковну къолуна берип ва Къазимагьамматов къапуну алдындан барагъан топгъа етишип болмай къолдан чыгъарды.
Танапусдан сонг экинчи таймгъа Гьажи Муслимович команданы составын толу кюйде алышдырды. Шолайлыкъда, бу оюнда команданы йигирма эки футболисти ортакъчылыкъ этди.
Алтмыш экинчи минутда Александр Алиев, Ещенкону пасындан пайдаланып, болгарлагъа экинчи топну гийирди. Етмиш экинчи минутда бизин Сердер Сердеров башы булан уьчюнчю топну гийирди. Арадан етти минут гетип, Бухаров бек гьилла булан урулгъан штрафнойну натижасында санавну 4 — 0 этди.
Дёртюнчю голдан сонг да «Анжи» «Любимецни» къапусуна оюн битгинче чапгъын этип турду. Алиев ва Епуряну чу юз процентли мюгьлетлерден пайдаланып бажармады.
Баш тренерибиз оюн битгенде берген баянлыгъында командагъа разилигин билдирди, биринчи таймда Тагьирбековну гючлю ойнагъанына шагьатлыкъ этди ва бу оюнда команданы къапучулары ишсиз «къалгъанына» бираз къыйналгъанын билдирди. Энни – Европа лига! Март айны 9-нда буса Россияны чемпионаты башлана. «Анжи» оьзюню майданында къазанлы «Рубинни» къаршылажакъ.
Суратда: Абдулавов бир секунддан топну Вильковну къапусуна гийире.
