Неге тюгюл де, бизин яшавубуз базар экономикагъа къайтгъан сонг, билим берив системада шо къайданы кёп сююп сайлагъаны ачыкъ болду.
Охувчу яшланы билим алыву сатыв- алывгъа айлангъанлыгъыны себеплерини бири – гьар гюн уьюнде ата-анасы олай этсе, акъча кёп бола, булай этсе, багъыйлы бола деп ойлашагъаны ва шону агьлю советде аслу масъала болуп токътайгъанындан деп эсиме геле.
Озокъда, акъча, харж болмаса, яшама къыйын экенни барыбыз да билебиз, тек акъчагъа бары затны сатып алып болмайгъаны йимик, билимни де, гьакъылны да сатып алма бажарылмайгъанны да яхшы англамагъа герек.
Алда охувчу яшлар гиччи заманындан тутуп, космонавт, лётчик ва башгъа макъталгъан касбулагъа ес болмагъа гьасирет эди буса, гьалиги заманда шолай умутлары, хыяллары бар яшлар бек аз болгъан. Гьали юрист, адвокат, бизнесмен болмагъа сюегенлер кёп болуп бара. Бары да халкъ бизнесмен де, юрист де болса, къалгъан ишчи касбуланы ким юрютежек. Гертилей де, юрт хозяйствода, производствода ишлеме касбучулар гьали къыт болгъан. Бу касбуланы башын тутуп ишлейгенлени де кёплери амалсызлыгъындан ишлей. Бугюн оьрде эсгерилген макъталгъан касбуланы башын тутмакъны буса охувчу яшлар къазанмакъ мурат булан умут эте.
Тек юрист де, адвокат да, бизнесмен де болмакъ учун да, билим де, бажарывлукъ да, къаст да герек экенни гьалиги охувчу яшлар англама сюймей. Оланы сёзюне тынгласанг, диплом – бары да затны башы. Дипломну да, иш ерни де сатып алмагъа бола деп ойлашагъан яшёрюмлер кёбюсю гезиклерде, яшав гёрсетип турагъан кюйде, ишсиз, касбусуз къалып, артда болмасгъа бакъгъанда яда биревге сатывчу, яда бир башгъа алда оьзлер сан этмейген ишге уруналар.
Гьалиги наслуну оюнда аз ишлеп, кёп къазанмакъ деген хыяллар кёплени башын айландырып, яман ёллагъа салып турагъаны да талчыкъдыра. Кёбюсю агъачлыкълагъа гетегенлени де, жинаятчылыкъгъа, уругъа, оьлтюрювге уьйренгенлер де бир йимик аз ишлеп, кёп, аслам къазанма къаст этегени гёрюне.
Озокъда, муаллимлени де, врачланы да, башгъа яшавлукъ касбуларда ишлейгенлени де алапалары макътардай тюгюл. Ондан къайры да, яшавлукъ масъалалары тувмадан чечилмеген сонг, къайсы агьлюню башы да агьлюсю яхшы яшавлукъ шартларда яшагъанны сюе, гелип бирев де къувалап болмайгъан кюйде оьзюню ожагъы-уью болгъанны къастын эте. Булай онгайлыкълар яратмакъ учун буса харж герек. Муаллимни яда врачны алапасына буса яшавлукъ онгайлыкълар яратма бажарылмайгъаны барыбызгъа да белгили.
Капитализм режим алдагъы билим берив системаны буза дейген муаллимлер де, алимлер де кёп бар.
Айтагъаным, бугюн агьлюде де, школадагъы муаллимлер де яшлагъа билим алмакъ биринчи ерде экенни, бажарывлу касбучу болмаса, абуру да, гележеги де болмажакъны англатма, уьйретме герек.
Охувчу яшланы билим алыву сатыв- алывгъа айлангъанлыгъыны себеплерини бири – гьар гюн уьюнде ата-анасы олай этсе, акъча кёп бола, булай этсе, багъыйлы бола деп ойлашагъаны ва шону агьлю советде аслу масъала болуп токътайгъанындан деп эсиме геле.
Озокъда, акъча, харж болмаса, яшама къыйын экенни барыбыз да билебиз, тек акъчагъа бары затны сатып алып болмайгъаны йимик, билимни де, гьакъылны да сатып алма бажарылмайгъанны да яхшы англамагъа герек.
Алда охувчу яшлар гиччи заманындан тутуп, космонавт, лётчик ва башгъа макъталгъан касбулагъа ес болмагъа гьасирет эди буса, гьалиги заманда шолай умутлары, хыяллары бар яшлар бек аз болгъан. Гьали юрист, адвокат, бизнесмен болмагъа сюегенлер кёп болуп бара. Бары да халкъ бизнесмен де, юрист де болса, къалгъан ишчи касбуланы ким юрютежек. Гертилей де, юрт хозяйствода, производствода ишлеме касбучулар гьали къыт болгъан. Бу касбуланы башын тутуп ишлейгенлени де кёплери амалсызлыгъындан ишлей. Бугюн оьрде эсгерилген макъталгъан касбуланы башын тутмакъны буса охувчу яшлар къазанмакъ мурат булан умут эте.
Тек юрист де, адвокат да, бизнесмен де болмакъ учун да, билим де, бажарывлукъ да, къаст да герек экенни гьалиги охувчу яшлар англама сюймей. Оланы сёзюне тынгласанг, диплом – бары да затны башы. Дипломну да, иш ерни де сатып алмагъа бола деп ойлашагъан яшёрюмлер кёбюсю гезиклерде, яшав гёрсетип турагъан кюйде, ишсиз, касбусуз къалып, артда болмасгъа бакъгъанда яда биревге сатывчу, яда бир башгъа алда оьзлер сан этмейген ишге уруналар.
Гьалиги наслуну оюнда аз ишлеп, кёп къазанмакъ деген хыяллар кёплени башын айландырып, яман ёллагъа салып турагъаны да талчыкъдыра. Кёбюсю агъачлыкълагъа гетегенлени де, жинаятчылыкъгъа, уругъа, оьлтюрювге уьйренгенлер де бир йимик аз ишлеп, кёп, аслам къазанма къаст этегени гёрюне.
Озокъда, муаллимлени де, врачланы да, башгъа яшавлукъ касбуларда ишлейгенлени де алапалары макътардай тюгюл. Ондан къайры да, яшавлукъ масъалалары тувмадан чечилмеген сонг, къайсы агьлюню башы да агьлюсю яхшы яшавлукъ шартларда яшагъанны сюе, гелип бирев де къувалап болмайгъан кюйде оьзюню ожагъы-уью болгъанны къастын эте. Булай онгайлыкълар яратмакъ учун буса харж герек. Муаллимни яда врачны алапасына буса яшавлукъ онгайлыкълар яратма бажарылмайгъаны барыбызгъа да белгили.
Капитализм режим алдагъы билим берив системаны буза дейген муаллимлер де, алимлер де кёп бар.
Айтагъаным, бугюн агьлюде де, школадагъы муаллимлер де яшлагъа билим алмакъ биринчи ерде экенни, бажарывлу касбучу болмаса, абуру да, гележеги де болмажакъны англатма, уьйретме герек.
