Шо комплексни къурулушуна 17 миллиард манат харжланажакъ. Эсгерилген логистика центрны къурувгъа 150 гектар ер гёрсетилген. Логистика центрны къурув булан бирче эсгерилген компания Къызлардагъы эт ишлетив заводну янгыртмагъа башла­гъан. Шо завод йылны ичинде уллу мююзлю гьайванланы 90 минг тон ва гиччи мююзлю этин ишлетежек.

Шондан къайры да, «АГРИКО-Северный Кавказ» деген компанияны генеральный директору Анжи Алиев айтагъангъа гёре, юрт хозяйство тармакъны оьсдюрмек учун олар дагъы да оьзге инвестиция проектлени яшавгъа чыгъармагъа гёз алгъа тута. Шо инвестиция проектни арасында Къарабудагъгент районда 150 минг тон емиш ва овошлар сакъламагъа болагъан ер къурув да бар. Шо проектни яшавгъа чыгъарыв юрт хозяйство малланы болдурагъанлагъа оьсдюрюлген емишлени ва овошланы ишлетивге ва сакълавгъа, олай да сатывгъа чыгъарывгъа аслам къошум болажакъ.

Болажакъ заводну кюрчю ташын салмагъа июль айны 24-нде гёз алгъа тутула. Шо агьамиятлы агьвалатда республиканы Президентини борчларын заманлыкъгъа кютеген Р.Абдулатипов ортакъчылыкъ этежек деп къаравуллана. «АГРИКО» гележекде янгы технологияланы, сан янлы хаммалны къолламагъа, оьзюню ишине инг яхшы бажарывлу касбучуланы къуршамагъа гёз алгъа тута.

Бизин мухбирибиз