Бираз алда йыракъ Швециядан бизге янгы хабар гелди. Алхас, оьзюне 15 йыл бола буса да, «Арланда Уингз» командасы булан 17 йыллыкъ яшланы арасында Швецияны чемпионатында ойнай.
Хоккей булан машгъул болма ол Москвада башлагъан.
Алдын ол Москвадагъы «Пингвины-97» хоккей командада защитник болуп ойнагъан. Яшланы арасында эки керен Москва шагьарны чемпиону да болгъан. Голландияда оьтгерилген халкъара турнирде кубокну да утгъан. Инг де яхшы ойнайгъан защитниклени арасына бир нече керен гирген.
Шону учун болма ярай, Швецияны «Арланда Уингз» деген командасыны тренерлери огъар гёз салгъан ва ойнама чакъыргъан.
– Швециягъа уланым булан мен де бардым ва контракт этдик. Алхас онда оьзюн яхшы яндан гёрсетер деп умут этемен. Ол бугюн Швецияны оьрюм яшларыны арасындагъы чемпионатында ойнап тура. Къаст этип ойнай. Хоккейни ол эпсиз кёп сюе, – дей яшны атасы Давут Къочкъаров.
Алхасны ата-бабалары – белгили Къочкъаров тухум Бабаюрт районну Адил Янгыюртундан.
Алхас Къочкъаров – тыш пачалыкъны командасында ойнайгъан биринчи къумукъ улан. Биз ону булан оьктем болабыз.
Хоккей булан машгъул болма ол Москвада башлагъан.
Алдын ол Москвадагъы «Пингвины-97» хоккей командада защитник болуп ойнагъан. Яшланы арасында эки керен Москва шагьарны чемпиону да болгъан. Голландияда оьтгерилген халкъара турнирде кубокну да утгъан. Инг де яхшы ойнайгъан защитниклени арасына бир нече керен гирген.
Шону учун болма ярай, Швецияны «Арланда Уингз» деген командасыны тренерлери огъар гёз салгъан ва ойнама чакъыргъан.
– Швециягъа уланым булан мен де бардым ва контракт этдик. Алхас онда оьзюн яхшы яндан гёрсетер деп умут этемен. Ол бугюн Швецияны оьрюм яшларыны арасындагъы чемпионатында ойнап тура. Къаст этип ойнай. Хоккейни ол эпсиз кёп сюе, – дей яшны атасы Давут Къочкъаров.
Алхасны ата-бабалары – белгили Къочкъаров тухум Бабаюрт районну Адил Янгыюртундан.
Алхас Къочкъаров – тыш пачалыкъны командасында ойнайгъан биринчи къумукъ улан. Биз ону булан оьктем болабыз.
Измулла ГЬАЖИЕВ.
Суратда: А. Къочкъаров.
