Россияны Президентини указларын яшавгъа чыгъара туруп, «Россия–имканлыкъланы уьлкеси» «Насигьатчылыкъ» деген проектни оьлчевюнде Бютюнроссия конкурс оьтгериле. Бизин уллу уьлкебизде  бай иш сынав, яшав сынав топлагъан билимли, англавлу адамлар аз тюгюл. Олар гьали бу конкурсда ортакъчылыкъ этип, оьзлени сынавун генг кюйде савлай уьлкебизге билдирме бола.

 

Бу проект производствода, билим берив, маданият ва оьзге тармакъларда, жамият ва пачалыкъ ишлерде бай сынав топлагъанланы, насигьатчылыкъ гьаракаты барланы арагъа чыгъармакъ, оланы сынавун яймакъ муратда юрюле. Конкурсну гьасиллери гьар тюрлю тармакъларда бай сынаву булангъы насигьатчыланы арагъа чыгъарма кёмек этежек ва алдынлы къайдаланы топлама имканлыкъ бережек. Билим берив, производство, пачалыкъ къуллукъ ва жамият чалышывда юрюлеген конкурсда янгыз адам да, команда булан да ортакъчылыкъ этегенлени чагъы 18 йыл тамамлангъан буса ихтияр бериле. Конкурс РФ-ни билим берив, илму ва оьр билим берив, загьмат ва социал якъдан якълав министерликлерини, яшёрюмлени ишлерине къарайгъан федерал агентлигини якълаву булан юрюле.

 

Я.БИЙДУЛЛАЕВ