3-нчю июльда Дагъыстанны Башчысы Сергей Меликов жинаятчылагъа къаршы туруп жанларын къурбан этген игитлени дос-къардашы булан ёлукъду.

– Булай ёлугъувлар, берген антына амин болуп, тапшурулгъан борч­ланы намуслу кютгенлени жамиятгъа аян этип гёрсетме имканлыкъ да бере, – деди С.Меликов. – Дагъыстанны тарихинде нечесе керенлер  террорчуланы намартлыгъын гёрген, тек сизин аявлу уланларыгъыз йимиклер оьз элибизге питне салма къоймагъан. Оьзлени герти игитлер йимик гёрсетди. Биз олар булан даим де оьктем болажакъбыз ва игитлигин бир де унутмажакъбыз.

С. Меликов Россияны Президенти В. Путинни атындан 23-нчю июнда авлетлери оьлгенлени адамларына пачалыкъ савгъатланы тапшурду, дагъы да къайгъы-рышагъанын билдирди, къалгъанлагъа буса савлукъ ва парахатлыкъ ёрады.

 

Г. БЕК.