Талатгюн, апрель айны 23-нде, Къарабудагъгент районну билим берив управлениесини сиптечилиги булан охувчу яшланы арасында инглис тилде язылгъан шиъруланы чебер охувуну къараву оьтгерилген.
Дарсланы вакътисинде оьзлер тилин уьйренеген тыш пачалыкъланы адабиятын охувгъа муштарлы этмек учун оьтгерилген шо къаравда эсгерилген районну юртларында билим алагъан уланлар ва къызлар къуршалгъан. Ачыкълашдырып айтгъанда, шо къаравда 12 охув ожакъдан 20 охувчу оьзлени чебер охувгъа пагьмусу булан бажарывлугъун малим этген. Къарабудагъгент районну билим берив управлениесини Telegram-каналында берилген маълуматдан белгили болагъаны йимик, оьтгерилген къаравда Къарабудагъгентдеги гимназияны, Гьелидеги, Манасгентдеги, Паравулдагъы орта школаланы охувчулары алдынлы ерлеге ес болгъан.
Насрулла БАЙБОЛАТОВ.
