«Алдынлыланы гьаракаты» деген бирлешивюне къуршалгъанлар Тёбен Къазанышдагъы гимназияда «Биз бирчебиз» деген рагьмулукъ гьаракат оьтгерген.

 

Шо гьаракатны къурумлу оьтгеривде эсгерилген охув ожакъларда билим алагъан яшланы ата-анасыны совети ва муаллимлер болушлукъ этген.

Мердешли кюйде оьтгерилген шо гьаракатны барышында оланы къасты булан Украина бойда юрюлеген  хас асгер гьаракатгъа къуршалгъанлагъа тарыкъ-герек жыйылып йиберилген. Шолайлыкъда, яшлагъа эсли наслуну вакиллери булан бирлешип иш гёрмеге имканлыкълар яратылгъан. Оланы къылыкъ-хасиятын тарбиялавгъа, олай да тувуп оьсген элине бакъгъан якъдагъы гьасирет гьислерин уятывгъа да шартлар яратылгъан. Буйнакск районну  билим берив управлениесини Telegram-каналында шо гьакъда билдирилген.

 

Насрулла БАЙБОЛАТОВ.