Алдагъы гюнлерде Къарабудагъгент районну Агъачавул юртундагъы орта школада китапханачыны къуллугъунда чалышагъан М. Болатханова бу йыл оьзлени юбилей тархлары болажакъ белгили дагъыстан язывчуланы  яратывчулугъуну айланасында лакъыр оьтгерген.

 

Эсгерилген охув ожакъны Telegram-каналында билдирилегени йимик,  охувчу яшланы машгьур язывчулар яратгъан асарлары булан таныш этмекден къайры да, олар шоларда гётереген масъалалагъа байлавлу  янашывун малим этмек оьтгерилген гьаракатны алдына салынгъан  борчлардан болуп токътагъан. Шону булан бирге, оьтгерилген гьаракат охувчу яшланы юрек­леринде тувуп оьсген элине, ата юртуна бакъгъан якъдагъы гьасиретликни артдырмагъа  болушлукъ этежегине инамлыкъ бар.

 

Насрулла БАЙБОЛАТОВ.