Якутск шагьарда Олимпия оюнланы чемпиону Роман Дмитриевни  эсделигине  багъышланып,  тутушуп ябушувдан халкъара ярышлар оьтгерилген.

 

Ярышланы барышында 13 пачалыкъдан гелген оьзлеге 21 йыл тюгюл битмеген 250-ден де артыкъ яш кочап бири-бири булан тогъатартгъан. Шо ярышларда дагъыстанлы кочаплар оьзлени авурлукъларында гьар тюрлю даражалы беш медальгъа ес болгъан.

Шолай, бизге белгили болгъаны йимик, Имам Умаров ва Мустапагьажи Малачдибиров алтын медаллар къазангъан. Халит Магьамматов ва  Гьабип Завурбеков гюмюш медаллар алгъан.  Алу Духаев буса бронза медальгъа лайыкълы болгъан.

 

Б. БАЙБОЛАТОВ.