Алдагъы гюнлерде бизин республиканы темиркъазыкъ боюндагъы районларында яшайгъан дин алимлер ва ругьани къуллукъчулар Луганск, Донецк халкъ республикаларында, олай да Запорожск ва Херсон областларында болгъан.
Олар оьрде эсгерилген республикаларда ва областларда яшайгъан адамлар булан ёлугъуп лакъыр этгенден къайры да, жамаат намазлар да къылгъан, Магьаммат Пайхаммарны (алайгьи салам) алгъышлайгъан мавлетлер де охугъан. Шолайлыкъда, ерли ругьани къуллукъчулары булан да къатнагъан олагъа дин китаплар да етишдирген. Хасавюрт шагьарны ва районну имамларыны советини ёлбашчысы Магьаммат Магьамматовну сёзлерине гёре, шонда динге къуллукъ этмеге, демек, жуманамазгъа юрюмеге, межитлеге гелип, гьар бусурмангъа борч болгъан беш намазны къылмагъа да тийишли шартлар болдурулгъан. Бусурманлар яшайгъан ерлерде шо кюйде иш гёрмек де айрыча агьамиятлы.
Насрулла БАЙБОЛАТОВ.
