Бугюнлерде Хумторкъали район администрацияны башчысы Айнутдин Зиявутдинов оьзюню замес­тителлери, район  управлениелени ёлбашчылары, район жыйынны депутатлары булан, Гьажидаданы ва Шавхал Янгыюртну ватандашлары булан ёлукъгъан.

 

– Шу ёрукъдагъы ёлугъувланы аслу мурады – юртлулар булан туврадан-тувра лакъыр этип, къыйынынатынчына тынглап, юртланы ичинде чечилмеген масъалаланы чечивню ёлларын ахтарма боласан» — деди районну башчысы А. Зиявутдинов.

– Юртларда тувулунгъан масъалаланы бир урунуп, бир гюнден чечип болмайгъаны англашыла. Шону учун, инг башлап чечмесе бажарылмайгъан­ масъалаланы биринчи ерге салып, чечмеге гьаракат этебиз.

Эки де юртну ватандашлары юртланы ичеген сув булан таъмин этмекни, шолай да, юртларда яшлар бавларын къурмакъны тиледи. Юртланы ичиндеги  орамлагъа да асфальт салмаса болмайгъа­нын да эсгерди. Районну башчысы айтагъан кюйде, эки де юртда яшлар бавун къурмакъ учун тарыкъ  болагъан­ документлер гьазирленип тура. Ичеген сувну масъаласы да ахтарыла. Бирдагъы да, бурав уруп, артезиан  сув чыгъармагъа гёз алгъа тутулгъан.

 

Жават ЗАКАВОВ.

СУРАТДА: Айнутдин Зиявутдинов шавхалянгыюртлулар булан.