Дербентдеги район суд Великентдеги яшлар бавуну алдагъы заведующийи Гьюрюбике Алипханованы бир йылгъа шарт булан эркинликден магьрюм этмек деген къарарны чыгъаргъан.
Оьтген йыл яшлар бавунда гиччи къызъяш таш канзилерде йыгъылып, башы булан урунуп, эсин тас этген болгъан. Алгъасавлу етишип гелген врчлар ону оьлюмден къутгъарып болмагъан.
Шо авур хатабалагь болгъанча яшлар бавуна Роспотребнадзорну ерли бёлюгюню къуллукъчулары гелген. Олар яшлар учунгъу идараны башчысын гьар тюрлю кемчиликлеге, шоланы арасында таш канзилеге де айрыча тергевюн бакъдыргъан. Тек яшлар бавунда шогъар къулакъасмагъанлар, кемчиликни алдын алма къа-рамагъанлар.
Ахырда уллуланы гьайсызлыгъындан гюнагьсыз яшны яшаву къыркъылгъан.
Алав АЛИЕВ.
