«Алдынлыланы гьаракаты» деген Бютюнроссия проектине асасланып, Бабаюрт районну Герменчик юртундагъы орта школаны пионервожатыйы Н. Ханмурзаева ва 6-нчы «а» класны ёлбашчысы Т. Умаханова Украина бойда юрюлеген хас асгер гьаракатны ортакъчысы Завур Бектемиров булан ёлугъув оьтгерди.

 

Украина бойда хас асгер гьаракат башлангъанда ол гёнгюллю кюйде ватанын якъламагъа гетген эди. Отпускагъа гелгенде, Завур ата юртундагъы школада охувчулар булан ёлугъуп, яшавда инг де асил агьлю, ювукъ адамлар экенни эсгерди.

Ол халкъ Ватанны якълавчуларыны янын нечик тутагъанны гёрген сонг, яшаву бюс-бютюнлей алы­шынгъанны гьакъында хабарлады. Яшланы алдында сёйлей туруп, Завур Бектемиров олагъа дав ёлларыны, ёлдашла-рыны гьакъында, армиягъа барып, ватанны алдындагъы ва адамлыкъ борчун кютме герекни, пачалыкъны аманлыгъын сакълап, ону милли къоркъунчсузлугъун­ болдурма тюшегени гьакъда да айтды.

Яш наслуну арасында оьтгерилген ёлугъуву янгыз енгил лакъырлашыв тюгюл, о игитни сёзлеринден, бугюнгю тарихи агьвалатланы гертилигин билдире эди. Охувчулар игитлер оьзлени янында яшайгъанны, къоччакъ-лыкъ, игитлик, Ватанны сююв – булар бары да герти адамны даражасы ва оьзюню уьлкесини ватандашы экенни гёрсете. Яшлар хас асгер гьаракатдагъы игитлер учун юреги авруй, олар булан даим оьктем де болалар.

 

Л. МОЛЛАЕВА,

Бабаюрт.