Украина бойда юрюлюп турагъан хас гьаракатны барышында бизин якълы уланлар гёрсетип турагъан къоччакълыкъ ва къоркъув билмейгенлик макътавгъа лайыкълы. Оьзлени бажарывлугъу ва Ватанына аминлиги булан олар лап оьр даражада гьар тюрлю савгъатлагъа ес болуп туралар. Артдагъы гюнлерде шолай яхшы хабар Адил Янгыюртгъа да гелди: юртлу улан Нариман Гьажиев «Къоччакълыгъы учун» деген медаль булан савгъатлангъан.

 

Н. Гьажиев Россия Федерацияны Украина дазуда янгы къурулгъан Россияны регионларын сакълавда оьзюню асгер борчун кютюп, хас гьаракатда гёрсетген игит ишлери саялы учун «Къоччакълыгъы учун» деген медаль булан алда да савгъатлангъан эди. Артдагъы бир-нече айны ичинде дагъыстан ругьну юрютювчюсю ва герти асгерчи Нариман, укронацистлер ва янгы регионланы азатлыгъы учунгъу ябушувда оьзюн дагъы да яхшы бажарывлу янындан гёрсетгени саялы, «Къоччакълыгъы учун» деген медальгъа бирдагъы керен ес болгъан.

Н. Гьажиев биринчи гюнлерден башлап баргъан асгер бёлюклерде уьстюнлюк учун оьз къошумун эте гелген. Кёп яшлы агьлюню башы Нариман, асгерге чакъырыв башлангъанда, Россия Федерацияны Оборона минис­терлиги булан дыгъар байлап, Ватанын якъламакъ муратда гете ва еринде командование берген дав тапшурувланы уьстюнлю кюйде кюте.

Нариман хас асгер гьаракатда тийген яраларындан госпитальда ятып чыкъгъан сонг, бугюнлерде агьлюсюню, авлетлерини янында савлугъун беклешдире. Амма ол башлангъан ишин ярты къоя­гъанлардан тюгюл. Шогъар гёре де, къолай болгъан сонг янгыдан оьзюню дав ёлдашларыны янына гетмеге умутлу.

 

Герейхан ГЬАЖИЕВ,