Артдагъы вакътилерде къыйынлы яшав гьалгъа тюшгенлеге кёмек этебиз деп, адамлардан акъча жыйып, сонг шо маяланы оьз пайдасына къоллайгъанлар кёп бола бара. Бугюнлерде республиканы Ич ишлер министерлиги шолай «сахаватчыланы» бирисине байлавлу тергевлер башлагъан.
Къурамагьаммат Гьажиев ( Интернетдеги аты – Абу Курах) Гергебиль районда тувгъан, тек гьали къайда орунлашгъанын полицейскийлеге токъташдырма тюшежек.
Интернетни кёмеги булан къыйын тёкмей къазанма болагъанын англап, ол уьч йыл алъякъда уьйсюз-эшиксиз къалгъан къартгишини суратын ерлешдирген болгъан ва электрон маълумат къуралны къоллавчуларын огъар кёмекге акъча жыйма чакъыргъан. Шо сурат гьакъыкъатгъа къыйышмайгъаны сонг ачылгъан.
Лап артдагъы гезик Къ.Гьажиев Турциядагъы ер тербенивден сонг зараллангъанлагъа табулайыкъ деген чакъырывлары булан аз заманны ичинде 35 миллион манат жыйгъан. Тек шону янгыз 8 миллион манатын Турциягъа бакъдыргъан. Къалгъанын не этгенни ахтарывлар тамамлангъан сонг белгили болар.
Гьали тергевлер узатылып тура.
Алав АЛИЕВ.
