Гуниб районну жамият къурумлары ерли азархананы врачларын закон булан къатты кюйде жавапгъа тартмакъны талап эте.
Россияны Ахтарыв комитетини Дагъыстан ахтарыв управлениеси билдирегенге гёре, Гуниб район азарханада эки йыл СПИД булан авруйгъан врач ишлеп тургъан.
Гьали белгили болгъан кюйде, ону эри шагьаргъа этген гезевлерини бирисинде белгисиз къатынгиши булан таныш болгъан, ону булан сав гечени оьтгерген. Арадан заман гетип, шо «гёзел» оьзюне ВИЧ аврувну «савгъат» этгенин билген. Тек шо гьакъда къатынына бир зат да айтмагъан.
Къатынгиши савлугъу гюн сайын осал бола гъанына къарап, бары да анализлерин берген. Анализлер ол не аврувгъа тарыгъанын ачыкъдан гёрсетген. Тек ону эрини тилевюне гёре, врачлар къатынгишиден герти аврувун яшыргъан.
Къувун гётерилгенде, эргиши алты яшын да къоюп, башгъа юртгъа чыгъып гетген. Къатынгишиге буса, ишинден таймагъа тюшген.
Алав АЛИЕВ.
