Россияны Ахтарыв комитетини Тамбов област ахтарыв управлениеси 45 йыллыкъ дагъыстанлыгъа къаршы уголовный иш ачгъан. Ерли ахтарывчулар токъташдырагъан кюйде, ол 22 тон каманы урлагъан деп айыплана.
Судгъа бакъдырылгъан материаллагъа гёре, Къыргъызстандагъы онгача къурум Тамбов областны Кирсанов деген гиччи шагьарында ерлешген завод булан дыгъар байлап, шо оьлчевдеги каманы сатып алмагъа токъташгъан. Интернетде ерлешдирилген маълуматдан пайдаланып, дагъыстанлы шо малны Россиядан Къыргъызстангъа оьзюню уллу юк ташыйгъан машини булан етишдирмеге сёз берген. Тек малны алгъандокъ, Москвагъа гелтирип ломайлап сатгъан ва хоншу пачалыкъны далапчы-ларына 27 миллион манатны оьлчевюнде зарал гелтирген.
Ахтарывлар узатылып тура. Гишини малын урлап байынма сюйген дагъыстанлы Москвада тутулгъан ва Тамбов областдагъы изоляторгъа бакъдырылгъан.
