Йыракъдагъы къардашдан, ювукъдагъы хоншу алдын деп бизин гьюрметли насигьатлагъа бойсындырагъан таклифлени тергевсюз къоймагъа тюшмей. Гертиден де, ювукълар булан дос аралыкъланы, байлавлукъланы юрютмесек, ятлар сююнер. Айрокъда бизин булан дос тюгюл пачалыкълар билдирген санкцияланы шартларында.
Бугюнлерде Дагъыстанны Башчысы Сергей Меликов ишчи сапары булан Азербайжан элинде болгъанда, Россияны гьакимлик вакиллигини къуллукъчусу гьисапда алгъа салынгъан эки де якъ учун пайдалы борчлары ва шоланы яшавгъа чыгъарывну ёллары булан ёлугъувну ортакъчыларын ювукъдан таныш этди. Алда йимик гьали де, эки де уьлкени арасындагъы экономика-политика, сатыв-алыв, маданият-спорт байлавлукъланы беклешдирив агьамиятлы масъала гьисаплана.
Шогъар байлавлу болуп тёбенде «Ёлдашны» охувчуларына ДР-ни промышленностуну ва сатыв- алыв министерлигини башчысы Низами Халилов оьз пикруларын аян этди.
– Дагъыстан аграр республика экени белгили, – деп узатды ол, оьзюню пикруларын жамлашдыра туруп. – Тюркияда йимик Азербайжанда да, адатлангъан кюйде, гьалиги заманда сатыв-алыв, енгил промышленност ва туризм тармакъларда топлангъан сынавну асувлу кюйде пайдаландырывдан хантав болмагъа тюшмей. Шо гьакъда сёз юрюле болгъандан сонг, Дагъыстанда иш гёреген федерал гьакимлигини иш юрютюв къурумлары да борчларына жаваплы кюйде янашмаса бажарылмай. Магьачкъалагъы мал айландырыв портну йимик, Совет Союзну Игити Аметхан Солтанны атындагъы «Уьйташда» ерлешген аэропортунда, «Кавказ» деген федерал трассаны имканлыкъларын да гележекде толу кюйде пайдаландырмагъа умут этилине. Шо гьакъда Бакюде болгъан ёлугъувдагъы сёйлевюнде Сергей Алимович ачыкъдан эсгерди.
Биз де шонда болгъан ёлугъувланы натижасында къабул этилинген къарарлар, таклифлер гележекде Дагъыстанны экономикасын оьсдюрювге кёмек болдуражагъына шекленмейбиз. Уьлкени маълумат къураллары билдиреген кюйде, Россияны ва Азербайжанны арасында мал айландырыв йыл сайын артып тербей ва эки де якъны натижаларына гёре гьарисини пайдалары йылда 2,5 миллиард доллардан кем болмай.
Промышленный тармакъда да, транспорт комплексде де шону учун бар имканлыкъланы толу кюйде пайдаландырмагъа умут этиле. Гьалиги заманда Дагъыстанны тыш пачалыкълар булан юрюлеген сатыв-алыв ишлерини натижасында гьар тюрлю малланы 30 процентге ювугъу Азербайжанны къоллавчуларыны пайдалары учун йиберилегени гьакъда да айрыча эсгерме тюше
