ЁЛДАШ от 25 февраля 2022 г.
Дагъыстан Республиканы Халкъ Жыйыныны Председатели Завур Аскендеров Донецк ва Луганск республикаланы (ДНР, ЛНР) харлысызлыгъын якълайгъанны гьакъында Владимир Путинни Чакъырывуна гёре оьз англатывларын малим этген.
– Февраль айны 21-нде Россия Федерацияны Президенти Владимир Путинни указлары булан Донецк Халкъ Республиканы ва Луганск Халкъ Республиканы халкъларыны чакъырывларына гёре, Украинаны Минск дыгъарланы яшавгъа чыгъармай, гьалны парахатлыкъны къайдасында чечме рази тюгюлю булан байлавлу болуп бу республикаланы оьзтёречелигин ва харлысызлыгъын къабул этген.
Бизин уьлкени Президенти ва ДНР-ни, ЛНР-ни башчылары Россия Федерацияны ва бу республикаланы арасындагъы дослукъну, бир-биревге кёмек этивюню дыгъарларына къоллар салгъан.
Президентни чараларына ДНР-ни ва ЛНР-ни халкъларыны тыш къоркъунчлукъдан ва миллетчилик политикасындан сакъланмакъ учун оланы аманлыгъын болдурма законлукъ ихтиярлар бере. Онда гюнагьсыз адамлар къырылагъангъа биз арекден къарап турма болмайбыз. Биз пачалыкъны башчысы тутгъан ёлну толу кюйде якълайбыз. Бизин барыбызгъа да бу – бек агьамиятлы масъала. О Россияны тарихине де гирежек.
