20-нчы мартда Дагъыстан Республиканы Халкъ Жыйыныны 33-нчю сессиясы болгъан. Сессияны парламентни вице-спикери Сайитагьмат Агьматов ачгъан.
Ону ишинде РФ-ни Федерал Жыйыныны Федерация Советини Председателини заместители Ильяс Умаханов, Пачалыкъ Думаны депутатлары Гьажимет Сафаралиев, Юрий Левицкий, Мурат Гьажиев, Валерий Газаев, Абдулмажит Магьрамов, Халкъ Жыйынны депутатлары, Гьукуматны членлери, Конституция ва Оьр судланы ёлбашчылары, министерликлени ва тармакъланы ёлбашчылары, шагьарланы ва районланы администрацияларыны башчылары, депутатланы шагьар ва район жыйынларыны ёлбашчылары, мердешли дин бирлешивлени башчылары, жамият чалышывчулар, маълумат къуралланы вакиллери ортакъчылыкъ этген.
Сессиягъа Дагъыстан Республиканы Башчысыны ДР-ни Халкъ Жыйынына Чакъырывуну гьакъындагъы масъала салынгъан.
Дагъыстан Республиканы Халкъ Жыйынына Чакъырывунда Дагъыстан Республиканы Башчысы Владимир Васильев айтгъан кюйде, оьтген йылны ишини натижалары гьакъында маълуматлар ва етишген уьстюнлюклени, гелеген йылгъа янгы борчлар ва масъалалар гётериле. Ёлбашчы гелеген йылгъа кёп тюрлю масъалаланы гётерген. Аслу гьалда яшавлукъ-политика ва Дагъыстанны яшав гьалын яхшылашдырмакъ деген масъалалар салынгъан. В.Васильевни Чакъырыв кагъызы РФ-ни Президенти Владимир Путинни Россияны Федерал Жыйынына Чакъырыв кагъызыны мердешли тезислерини давамы йимик болгъан ва Дагъыстанны жамиятында генг кюйде сесленив тапгъан.
Бизин маълумат.
