Къыш эртени. Гюн чыкъгъан.

Терезебиз къагъыла.

Къарайман – Сувукъмурза,

Къаркъыз да бар янында.

 

Орам этелер магъа,

Чакъыра мени къыргъа.

Къыргъа чыкъдым. Дёрт де якъ

Батылгъан ап-акъ къаргъа.

 

Сувукъмурза къучакълап,

Савгъат да берди магъа.

Сонг мени алып барды

Янгы йылгъы ёлкагъа.

 

Ёлка орналгъан залда,

Бутакълары яп-шыл.

Илинген кёп оюнчакъ,

Пурхагъа тийген башы.

 

Къаркъыз Сувукъмурзаны

Къырыйында айлана.

Дорбадагъы савгъатлар

Бары яшгъа пайлана.

 

Исламутдин КЪУРБАНОВ.