Етишилген натижалар булан дазуланмагъа гьали де хыял этилинмей. Гьайванчылыкъда жынслашдырыв ишлени, оьсюмлюкчюлюкде сайламлы урлукъланы ва емиш тереклени, юзюм борлаланы пайдаландырывгъа тергев гючленегени негьакъ тюгюл. Неге десегиз, «Агропромышленный тармакъны асувлугъу учун» деген милли борчну талапларын яшавгъа чыгъарыв алдынлы сынавну, къайдаланы, техниканы ва илмуну имканлыкъларын яшавгъа чыгъарывдан гьасил болажагъы гьакъ.
Озокъда, алдагъы кюйде къол загьмат булан доланагъан заманлар гетген. Айтмагъа сюегеним, отлавлукъларда отлайгъан ва шолай да аранларда емге тутулгъан гьайван-малланы санавун къолайлашдырывда, сюрюлеген авлакъланы майданларын генглешдиривде ишлени машинлешдирив лап да агьамиятлы борч болуп токътай.
Олай болгъандан сонг, оьзге ерлерде йимик Дагъыстанда да лизингге техниканы алып пайдаландырывгъа арт бермеге тюшмей. Шо кююнде, 2012-нчи йылда «Росагролизинг» деген ачыкъ кюйде иш гёреген жамият (ОАО) булан дыгъарлашып, бизин республикабызгъа да ярым йыл болжалгъа къоюп борчун тёлеме 34 миллион манатны оьлчевюне юрт хозяйство техникадан 25 трактор ва ашлыкъ къайтарагъан комбайнлар алынгъан эди.
Тек не этерсен, бизин республикабызны районларындагъы юрт хозяйство предприятиелер «Росагролизинг» жамият булан байлангъан дыгъарланы шартларын бузагъаны ойлашдырмай болмай.
Гележек учун гёз алгъа тутулгъан имканлыкъланы, енгилликлени къолдан чыгъарылывуна кимлер болушлукъ эте? Айры-айры районлар. Мисал учун, Гьайдакъ, Къаягент, Хунзах, Гюнбет, Къазбек, Гуниб районланы дазуларыны ичинде ерлешген МУП-лар ва СПК-лар борчларына айсениликге бойсынып янашагъанлыгъы республикабызгъа лизинг булан юрт хозяйство техниканы гелтирме четимликлер тувдурагъаны булан разилешмеге тюшмей.
Шолайлыкъда, 1,6 миллион манатны къадарында къайтарылма герек борчланы болжаллары йырылагъаны узатыла. Муна шо саялы да артдагъы эки йылны ичинде «Росагролизинг» булан дыгъарлашып, техника алмакъ учун енгилликлерден пайдаланма бажарылмай. Неге десегиз, борчлары къалып турагъан предприятиелени айыбындан республикабызда юрт хозяйство продукция оьсдюрюв булан машгъул болагъан оьзге предприятиелеге де 2014-нчю йылгъа машинлешдиривде ва мелиорациялашдырывда белгиленген пачалыкъ субсидиялар къолдан чыгъарыла. Шо саялы олагъа ДР-ни юрт хозяйство ва сурсат министерлигини янындан топлангъан борчланы апрель айны ичинде тёлеп тайдырма къатты кюйде буварыв этилген.
Озокъда, алдагъы кюйде къол загьмат булан доланагъан заманлар гетген. Айтмагъа сюегеним, отлавлукъларда отлайгъан ва шолай да аранларда емге тутулгъан гьайван-малланы санавун къолайлашдырывда, сюрюлеген авлакъланы майданларын генглешдиривде ишлени машинлешдирив лап да агьамиятлы борч болуп токътай.
Олай болгъандан сонг, оьзге ерлерде йимик Дагъыстанда да лизингге техниканы алып пайдаландырывгъа арт бермеге тюшмей. Шо кююнде, 2012-нчи йылда «Росагролизинг» деген ачыкъ кюйде иш гёреген жамият (ОАО) булан дыгъарлашып, бизин республикабызгъа да ярым йыл болжалгъа къоюп борчун тёлеме 34 миллион манатны оьлчевюне юрт хозяйство техникадан 25 трактор ва ашлыкъ къайтарагъан комбайнлар алынгъан эди.
Тек не этерсен, бизин республикабызны районларындагъы юрт хозяйство предприятиелер «Росагролизинг» жамият булан байлангъан дыгъарланы шартларын бузагъаны ойлашдырмай болмай.
Гележек учун гёз алгъа тутулгъан имканлыкъланы, енгилликлени къолдан чыгъарылывуна кимлер болушлукъ эте? Айры-айры районлар. Мисал учун, Гьайдакъ, Къаягент, Хунзах, Гюнбет, Къазбек, Гуниб районланы дазуларыны ичинде ерлешген МУП-лар ва СПК-лар борчларына айсениликге бойсынып янашагъанлыгъы республикабызгъа лизинг булан юрт хозяйство техниканы гелтирме четимликлер тувдурагъаны булан разилешмеге тюшмей.
Шолайлыкъда, 1,6 миллион манатны къадарында къайтарылма герек борчланы болжаллары йырылагъаны узатыла. Муна шо саялы да артдагъы эки йылны ичинде «Росагролизинг» булан дыгъарлашып, техника алмакъ учун енгилликлерден пайдаланма бажарылмай. Неге десегиз, борчлары къалып турагъан предприятиелени айыбындан республикабызда юрт хозяйство продукция оьсдюрюв булан машгъул болагъан оьзге предприятиелеге де 2014-нчю йылгъа машинлешдиривде ва мелиорациялашдырывда белгиленген пачалыкъ субсидиялар къолдан чыгъарыла. Шо саялы олагъа ДР-ни юрт хозяйство ва сурсат министерлигини янындан топлангъан борчланы апрель айны ичинде тёлеп тайдырма къатты кюйде буварыв этилген.
