Белгили болгъаны йимик, шону аслам пайы – гьабижай урлукъ. Дагъы да ачыкълашдырып айтгъанда, 1 минг тон гьабижай урлукъ герек.
Юрт хозяйство тармакълар бир-бири булан тыгъыс кюйде байлавлу. О саялы бу йыл мугькам ем базаны болдурмакъ муратда 500 тонгъа ювукъ кёп йыллыкъ ем оьсюмлюклени урлукъларын чачма гёз алгъа тутулгъан. Шону булан янаша картоп, овощлар оьсдюрювде де сайламлы урлукъланы пайдаландырывдан хантав къалма ярамай.
Республикабызны юрт хозяйство ишлер булан машгъул предприятиелеринде, кооперативлерде, МУП-ларда ва сабанчы-фермер хозяйстволарда язлыкъ чачывну белгиленген болжалларында къурумлу кюйде оьтгермек учун урлукълар толу кюйде болдурулгъанмы? Яшырмагъа тарыкъ болмай, бизин республикабызда умуми талапланы гьисапгъа алгъанда, язлыкъланы чачывгъа урлукъланы толу 50 проценти де гьазирленмеген.
– Язлыкъланы чачыв – агьамиятлы компания, – дей бизге «Россельхозцентр» деген пачалыкъ бюджет идараны башчысы Магьаммат Гьажимагьамматов. – Неге десегиз, язлыкъланы чачывгъа минглер булангъы дагъыстанлыланы къуршама тарыкъ. О саялы да гележекде ишлени къурумлу оьтгермек муратда язлыкъ ва гюзлюк оьсюмлюклени урлукъларын бизин республикабызны районларыны шартларында оьсдюрюп гьазирлевге тергевню гючлендирмесек бажарылмай. Айтмагъа сюегеним, оьзге регионлагъа харлылыкъда турсакъ, биз гележекде хыйлы имканлыкъланы, хайырны къолдан чыгъаражакъбыз. О саялы да урлукъланы оьсдюрюв булан машгъул болагъан гьар районда бир буса да предприятие болмакъдан кёп зат гьасил болажагъы гьакъ. Неге десегиз, бугюнлерде савлай Россияны оьлчевюнде сайламлы урлукъланы оьсдюрюв булан машгъул болма муштарлы предприятиелени реестри гьазирлене. Шондан бизин республикабызны хозяйстволарына да хантав къалма ярамай.
«Россельхозцентрны» Дагъыстандагъы бёлюгюню касбучусу Ольга Гьюсейнова да язлыкъланы чачывда урлукъланы сан янына тергевню гючлендирмекни таклиф этегени англашыла ва эгер де тарыкъ буса, шогъар байлавлу болуп англатывлар бермеге касбучуланы гьазирлиги барлыгъын ташдыра.
Юрт хозяйство тармакълар бир-бири булан тыгъыс кюйде байлавлу. О саялы бу йыл мугькам ем базаны болдурмакъ муратда 500 тонгъа ювукъ кёп йыллыкъ ем оьсюмлюклени урлукъларын чачма гёз алгъа тутулгъан. Шону булан янаша картоп, овощлар оьсдюрювде де сайламлы урлукъланы пайдаландырывдан хантав къалма ярамай.
Республикабызны юрт хозяйство ишлер булан машгъул предприятиелеринде, кооперативлерде, МУП-ларда ва сабанчы-фермер хозяйстволарда язлыкъ чачывну белгиленген болжалларында къурумлу кюйде оьтгермек учун урлукълар толу кюйде болдурулгъанмы? Яшырмагъа тарыкъ болмай, бизин республикабызда умуми талапланы гьисапгъа алгъанда, язлыкъланы чачывгъа урлукъланы толу 50 проценти де гьазирленмеген.
– Язлыкъланы чачыв – агьамиятлы компания, – дей бизге «Россельхозцентр» деген пачалыкъ бюджет идараны башчысы Магьаммат Гьажимагьамматов. – Неге десегиз, язлыкъланы чачывгъа минглер булангъы дагъыстанлыланы къуршама тарыкъ. О саялы да гележекде ишлени къурумлу оьтгермек муратда язлыкъ ва гюзлюк оьсюмлюклени урлукъларын бизин республикабызны районларыны шартларында оьсдюрюп гьазирлевге тергевню гючлендирмесек бажарылмай. Айтмагъа сюегеним, оьзге регионлагъа харлылыкъда турсакъ, биз гележекде хыйлы имканлыкъланы, хайырны къолдан чыгъаражакъбыз. О саялы да урлукъланы оьсдюрюв булан машгъул болагъан гьар районда бир буса да предприятие болмакъдан кёп зат гьасил болажагъы гьакъ. Неге десегиз, бугюнлерде савлай Россияны оьлчевюнде сайламлы урлукъланы оьсдюрюв булан машгъул болма муштарлы предприятиелени реестри гьазирлене. Шондан бизин республикабызны хозяйстволарына да хантав къалма ярамай.
«Россельхозцентрны» Дагъыстандагъы бёлюгюню касбучусу Ольга Гьюсейнова да язлыкъланы чачывда урлукъланы сан янына тергевню гючлендирмекни таклиф этегени англашыла ва эгер де тарыкъ буса, шогъар байлавлу болуп англатывлар бермеге касбучуланы гьазирлиги барлыгъын ташдыра.
К. КАРАЕВ.
