– Бадрутдин – инг де белгили шаирлени бириси, – деди, ёлугъувну ача туруп, Хасавюрт педколлежни директору Руслан Канаев. – Ону яшав ёлу да оьсюп гелеген яш наслугъа уьлгю. Атасы давда оьлген, ол оьзю юрт школаны охуп битген ва Дагъыстан пачалыкъ университетге тюшген. Битгенде муаллим болуп, сонг радиода, Къумукъ театрны адабият бёлюгюню заведующийи болуп ишлеген, артдагъы 25 йыл – китап издательствону редактору. 20 йыл болагъанда язма башлагъан ва бугюнге ерли 30-гъа ювукъ китап чыгъаргъан.
Адабиятдагъы уьстюнлюклери учун огъар Дагъыстан Республиканы Пачалыкъ савгъаты берилген. Мен буланы айтагъаным, юртдан чыкъгъан улан шулай уьстюнлюклеге етишме бажаргъан. Шону учун да, гьюрметли студентлер, сизге де яшавда оьзюгюзню еригизни тапмакъ учун къаст этме тарыкъ. Бадрутдин, сени ёлугъувунг бизин коллежде болагъангъа мен бек шатман ва яратывчулукъ ёлунгда дагъы да артыкъ уьстюнлюклер ёрайман.
Шолай да, Бадрутдинни исси сёзлер айтып, Россияны Язывчуларыны союзуну членлери Патимат Абукова, Къалсын Акъгёзов, Гебек Къонакъбиев, яш шаирлер Зарият Умаева, Женнет Мусаева, шаирлер Супуяханым Бийболатова ва Яха Завурова да къутладылар.
Педколлежни ана тиллерден дарс беривчюлери Дагъыстанны ат къазангъан муаллими Маржан Абукова ва Гёгюрчюн Атаева онгаргъан программагъа гёре студентлер шаирни кёп шиъруларын охудулар. Ниъматулла Далгьатов ва Дагъыстанны ат къазангъан артистлери Латип Шайыпов, Зоя Сатуева да шаирни сёзлерине гёре язылгъан йырланы йырлады.
– Мен кёп ёлугъувларда болгъанман, тек Хасавюрт бойда йимик мукъаятлы гьазирленип, исси къаршылайгъанлар аз бола, – дей Бадрутдин. – Яшлар шиъруларымны охуй туруп, магъа охума бир зат да къоймады. Кёп савболугъуз. Бир-бирде биз язгъан затланы охуйгъанлар сама бармыкен деп ойлашып да йиберебиз. Бар экен, бар чы нечик де бар, гёнгюнден де айталар. Шо шаирге илгьам бере.
Бадрутдин жыйылгъанланы алдында оьзю бир-бир асарларын язгъан кюйлени къужурлу хабарлады.
Шаирге савгъатлар ва гюл байламлар берилди, ол да охувчулагъа оьзюню бир нече китабын савгъат этди.
Ёлугъувда шаирни эки де къызы ортакъчыдыкъ этди. Аида дос къардашларыны атындан атасына этген сыйы-гьюрмети учун студентлеге ва муаллимлеге баракалла билдирди.
Адабиятдагъы уьстюнлюклери учун огъар Дагъыстан Республиканы Пачалыкъ савгъаты берилген. Мен буланы айтагъаным, юртдан чыкъгъан улан шулай уьстюнлюклеге етишме бажаргъан. Шону учун да, гьюрметли студентлер, сизге де яшавда оьзюгюзню еригизни тапмакъ учун къаст этме тарыкъ. Бадрутдин, сени ёлугъувунг бизин коллежде болагъангъа мен бек шатман ва яратывчулукъ ёлунгда дагъы да артыкъ уьстюнлюклер ёрайман.
Шолай да, Бадрутдинни исси сёзлер айтып, Россияны Язывчуларыны союзуну членлери Патимат Абукова, Къалсын Акъгёзов, Гебек Къонакъбиев, яш шаирлер Зарият Умаева, Женнет Мусаева, шаирлер Супуяханым Бийболатова ва Яха Завурова да къутладылар.
Педколлежни ана тиллерден дарс беривчюлери Дагъыстанны ат къазангъан муаллими Маржан Абукова ва Гёгюрчюн Атаева онгаргъан программагъа гёре студентлер шаирни кёп шиъруларын охудулар. Ниъматулла Далгьатов ва Дагъыстанны ат къазангъан артистлери Латип Шайыпов, Зоя Сатуева да шаирни сёзлерине гёре язылгъан йырланы йырлады.
– Мен кёп ёлугъувларда болгъанман, тек Хасавюрт бойда йимик мукъаятлы гьазирленип, исси къаршылайгъанлар аз бола, – дей Бадрутдин. – Яшлар шиъруларымны охуй туруп, магъа охума бир зат да къоймады. Кёп савболугъуз. Бир-бирде биз язгъан затланы охуйгъанлар сама бармыкен деп ойлашып да йиберебиз. Бар экен, бар чы нечик де бар, гёнгюнден де айталар. Шо шаирге илгьам бере.
Бадрутдин жыйылгъанланы алдында оьзю бир-бир асарларын язгъан кюйлени къужурлу хабарлады.
Шаирге савгъатлар ва гюл байламлар берилди, ол да охувчулагъа оьзюню бир нече китабын савгъат этди.
Ёлугъувда шаирни эки де къызы ортакъчыдыкъ этди. Аида дос къардашларыны атындан атасына этген сыйы-гьюрмети учун студентлеге ва муаллимлеге баракалла билдирди.
Гебек КЪОНАКЪБИЕВ,
оьз мухбирибиз.
Суратда: Б. Магьамматов
булангъы Хасавюрт педколлежде оьтгерилген ёлугъув.
