Немис-фашист елевчюлер Ленинградны къолгъа алып, шагьарны тюбюкъарадан ёкъ этме сюе болгъан. Шо муратда олар мунда кёп асгер савутларын, адам гючюн бакъдыргъан.
1941-нчи йылны сентябр айыны 8-нде тарихде бир де болмагъан кюйде фашистлер Ленинградны гючлю атышывгъа тута. Шагьар къамавгъа тюшген 900 гюнню узагъында ерли халкъ бек зарлыкъгъа тарый. Душманны бомбалары кёп ерни буза. Минглер булан халкъ яралана, нечакъы тизив биналар дагъытыла.
Ленинградгъа кёмек этмек учун, совет гьукумат бары гючню мунда бакъдыра. Не амал этип де, къамавгъа тюшгенлеге ашамлыкъ ва ягъарлыкъ гелтириле.
1943-нчю йылны 18-нчи январында Ленинград ва Волховский фронтланы асгерлерини, сонг да Къызыл Байракълы Балтыкъ флотну кёмеклиги булан Ленинградны душманны къамавун бир къадар енгиллешдирме бажарыла. Тек немис фашистлер енгилмей, дагъы да, дагъы да атыша, шагьарны къоймагъа сюймей. Ленинградны толу кюйде азат этмек учун, бизин совет асгерлеге дагъы да бир йылдан да къолай заман ябушма тюше.
Шонда юрюлген гючлю давларда бизин Дагъыстандан, Буйнакск шагьардан, райондан давгъа гетген кёп къоччакъ уланлар ортакъчылыкъ этген. Бугюнлерде, Ленинград шагьар Уллу Ватан давну вакътисинде душманны къамавундан толу кюйде азат этилгенли 70 йыл битгенде, биз оланы атларын эсге алма сюебиз. Олар Ватаны, халкъы, азиз топурагъыны гьар гесеги учун азиз жанларын бергенлер, Ленинградны азат этивде ортакъчылыкъ этгенлер. Старший лейтенант Къапуров Шарабутдин (оьлген 1942-нчи йылны март айында), Халимбекавулдан Муталимов Казим (оьлген 1942-нчи йылны апрель айында), Бугленден Мамагишиев Асгьабали (оьлген 1942-нчи йылны апрель айында), Тёбен Жюнгютейден Мамаев Абдулкъадыр (ст. лейтенант, оьлген 1942-нчи йылны июль айында), Салманов Залибек (оьлген 1942-нчи йылны май айында), Айвазов Расул (лейтенант). Элдерханов Алескер, Къадыров Къадырагъа, Гьайбуллаев Абдулкъапур, Атланавулдан Салимгереев Магьаммат, Чиркейден Агьматов Амирали, Оьр Къазанышдан Бамматов Абдул (старший лейтенант), Тёбен Къазанышдан Бадрутдинов Изамутдин, Капир Къумукъдан Алиев Забитулла (сержант), Тёбен Жюнгютейден Болатов Юсуп ва олай кёплерини къаны тёгюлген, саны сёгюлген Ленинград якъдагъы ябушувларда. Олар давну лап да къыйынлы 1942-нчи йылында, бирлери 1943-нчю йылында оьлген.
Азиз жанын берген ёлдашлары учун душмандан оьч алып, Ленинградны къамавдан азат этип, давну ёллары булан кёп ерлерде болуп, уьюне сав къайтгъан ветеранларыбыз да бар эди. Масала, Тёбен Жюнгютейден Абдуллаев Агьматбек, Татаев Абдулла, Элдерханов Шугьабутдин, Тёбен Къазанышдан Абдуллаев Ильяс, Чиркейден Абдурагьманов Гьюсейн, Эрпелиден Гьасанов Камалутдин, Оьр Жюнгютейден Гимбатов Вагьит, Зайнутдинов Лабазан, Магьамматов Гьажи бизин къоччакъ воинлерибиз ва оьктемлигибиз.
Олар давда кёп къыйынлыкъланы гёрген. Шо къамавгъа тюшгенлени арасында ачлыкъдан, сувукъдан оьлеген къартланы, яшланы языкъ гьалын гёрген. Ленинградны душмандан азат этген.
Биз, савлар, давну къыйынын гёргенлени эсделигин унутма болмайбыз. Эсделик юреклерде яшай.
1941-нчи йылны сентябр айыны 8-нде тарихде бир де болмагъан кюйде фашистлер Ленинградны гючлю атышывгъа тута. Шагьар къамавгъа тюшген 900 гюнню узагъында ерли халкъ бек зарлыкъгъа тарый. Душманны бомбалары кёп ерни буза. Минглер булан халкъ яралана, нечакъы тизив биналар дагъытыла.
Ленинградгъа кёмек этмек учун, совет гьукумат бары гючню мунда бакъдыра. Не амал этип де, къамавгъа тюшгенлеге ашамлыкъ ва ягъарлыкъ гелтириле.
1943-нчю йылны 18-нчи январында Ленинград ва Волховский фронтланы асгерлерини, сонг да Къызыл Байракълы Балтыкъ флотну кёмеклиги булан Ленинградны душманны къамавун бир къадар енгиллешдирме бажарыла. Тек немис фашистлер енгилмей, дагъы да, дагъы да атыша, шагьарны къоймагъа сюймей. Ленинградны толу кюйде азат этмек учун, бизин совет асгерлеге дагъы да бир йылдан да къолай заман ябушма тюше.
Шонда юрюлген гючлю давларда бизин Дагъыстандан, Буйнакск шагьардан, райондан давгъа гетген кёп къоччакъ уланлар ортакъчылыкъ этген. Бугюнлерде, Ленинград шагьар Уллу Ватан давну вакътисинде душманны къамавундан толу кюйде азат этилгенли 70 йыл битгенде, биз оланы атларын эсге алма сюебиз. Олар Ватаны, халкъы, азиз топурагъыны гьар гесеги учун азиз жанларын бергенлер, Ленинградны азат этивде ортакъчылыкъ этгенлер. Старший лейтенант Къапуров Шарабутдин (оьлген 1942-нчи йылны март айында), Халимбекавулдан Муталимов Казим (оьлген 1942-нчи йылны апрель айында), Бугленден Мамагишиев Асгьабали (оьлген 1942-нчи йылны апрель айында), Тёбен Жюнгютейден Мамаев Абдулкъадыр (ст. лейтенант, оьлген 1942-нчи йылны июль айында), Салманов Залибек (оьлген 1942-нчи йылны май айында), Айвазов Расул (лейтенант). Элдерханов Алескер, Къадыров Къадырагъа, Гьайбуллаев Абдулкъапур, Атланавулдан Салимгереев Магьаммат, Чиркейден Агьматов Амирали, Оьр Къазанышдан Бамматов Абдул (старший лейтенант), Тёбен Къазанышдан Бадрутдинов Изамутдин, Капир Къумукъдан Алиев Забитулла (сержант), Тёбен Жюнгютейден Болатов Юсуп ва олай кёплерини къаны тёгюлген, саны сёгюлген Ленинград якъдагъы ябушувларда. Олар давну лап да къыйынлы 1942-нчи йылында, бирлери 1943-нчю йылында оьлген.
Азиз жанын берген ёлдашлары учун душмандан оьч алып, Ленинградны къамавдан азат этип, давну ёллары булан кёп ерлерде болуп, уьюне сав къайтгъан ветеранларыбыз да бар эди. Масала, Тёбен Жюнгютейден Абдуллаев Агьматбек, Татаев Абдулла, Элдерханов Шугьабутдин, Тёбен Къазанышдан Абдуллаев Ильяс, Чиркейден Абдурагьманов Гьюсейн, Эрпелиден Гьасанов Камалутдин, Оьр Жюнгютейден Гимбатов Вагьит, Зайнутдинов Лабазан, Магьамматов Гьажи бизин къоччакъ воинлерибиз ва оьктемлигибиз.
Олар давда кёп къыйынлыкъланы гёрген. Шо къамавгъа тюшгенлени арасында ачлыкъдан, сувукъдан оьлеген къартланы, яшланы языкъ гьалын гёрген. Ленинградны душмандан азат этген.
Биз, савлар, давну къыйынын гёргенлени эсделигин унутма болмайбыз. Эсделик юреклерде яшай.
А. МАГЬАММАТОВ,
Буйнакск районда давну ветеранларыны Советини председатели, Дав Макътавлугъуну музейини директору.
