Ёлугъувну барышында Д. Шихсайитов ачгъычлар тапшурулагъан яшланы етип гелеген Янгы йыл булан къутлады. Олагъа ачгъычланы тапшура туруп, татывлу ожакълар къуруп, насипли гюнлени гёрюп яшагъыз деп ёрады.
Бу йыл яшавлукъ уьй алмакъ учун райондагъы етим яшланы гьарисине республика бюджетден 455 минг манатны ва федерал бюджетден де шончакъы манатны къадарында акъча маялар гёрсетилген болгъан.
Шо гюн етим яшлар Чиркейден Ханика Чулаковагъа, Оьр Жюнгютейден Къыстаман Бигаевагъа, Къадардан Диана Латиповагъа, Бугленден Расул Сулеймановгъа ва Ислам Салмановгъа яшавлукъ уьйлени ачгъычлары тапшурулду.
Бу чараны аслу яны оьтген сонг, районну башчысы яшлар булан ювукъдан таныш болду ва оланы гележек яшавуну гьакъында сёз юрютдю. Буйнакск районну башчысы берген маълуматгъа асасланып айтгъанда, райондагъы дагъы да 32 етим яшгъа гележекде яшавлукъ уьйлер берилежек.
Алвина ЧАРТОРИЖСКАЯ,
Буйнакск районну прес-къуллугъуну ёлбашчысы.
СУРАТДА: Буйнакск районну башчысы Д. Шихсайитов етим яшлар булан.
