Январ айны 14-нде Дагъыстанны парламентини председатели Хизри Шихсайитовну ёлбашчылыгъы булан депутатлар ватандашланы яшавлукъ масъалаларына къарагъан. Генгешде Дагъыстан Республиканы Халкъ Жыйыныны Председателини заместители Елена Ельникова, республиканы депутатлары Асият Алиева, Биярслан Изиев, Нариман Темуркъаев, экономика ва территория оьсювню министри Осман Хасболатов, табии маъдаланы ва экологияны министри Набиюлла Къарачаев, Магьачкъаланы Совет районуну администрациясыны башчысы Пахрутдин Залибеков ва оьзгелер ортакъчылыкъ этген.
Хизри Шихсайитов оьзюню сёйлевюнде Чернышевскийни атындагъы орамда ерлешген комплексни биринчи къабатын Магьачкъала шагьарны муниципал еслигине гьакъсыз бермекни пайдалы мисал гьисапда къабул этген. Бинаны майданы 3500 квадрат метр бар. Онда районгъа тарыкъ школагъа барагъан чагъына етишмеген яшланы идарасы, къошум гьисапда билим берив центры ва поликлиника болажакъ.
Шо чараны сиптечиси гьисапда ДР-ни Халкъ Жыйыныны депутаты, шо къурулуш компанияны ёлбашчыларыны бириси Нариман Темуркъаев арагъа чыкъгъан.
ДР-ни экономика ва территория оьсювюню министри Осман Хасболатов шо проектни харжы булан таъмин этивюне министерлик муниципалитет булан бирликде къарама гьазир экенни гьакъында айтгъан. Ону булан бирче о уьйлеге тарыкъ-герек къуралланы алмакъ да гёз алгъа тутула.
ДР-ни Халкъ Жыйыныны Председатели Хизри Шихсайитов ватандашланы яшавлукъ масъалаларына байлавлу айтгъан кюйде, депутатланы сиптечилиги ватандашланы масъалаларын чечивде башгъа меценатлагъа уьлгю болур деп инана.
Дагъыстан Республиканы Халкъ Жыйыныны
маълумат-аналитика аппаратыны бёлюгю.
