2018-нчи йылда «Хрусталь компас» деген милли савгъатгъа конкурс еттинчи керен оьтгерилди. Шо милли географияны, экологияны, Россияны табиат ва тарих-маданият варислигине бакъдырылгъан проектлени бириси. О бизин уьлкени гележегин сакълавгъа бакъдырылгъан проект деп де гьисаплана.
Савгъат гьар йыл орус-география жамиятны ва «Газпромну» якълаву булан оьтгериле. О савгъатны «Къобандагъы Газпромну» ассоциациясы арагъа чыгъаргъан. Орус-география жамиятны регион бёлюгюню ва орус-география жамиятны президенти Сергей Шойгу якълагъан. Конкурсну ахтарыв эксперт советине Н. Чилингаров, Ю. Л. Воробьев, Н. Н. Дроздов, В. П. Савиных ва башгъа Россияны ва дюньяны белгили касбучулары гире.
Алты йылны ичинде шо савгъатгъа Россиядан 1531 ва дюньяны уьлкелеринден 35 проект гёрсетилген. Жамиятны разилигин алагъан хас номинацияда 1,6 миллион адам ортакъчылыкъ этген. Конкурсгъа бизин уьлкени ва тыш уьлкелени жамият къурумлары, олай да, харлысыз сиптечи группалар, жамият чалышывчулар да къуршалгъан.
Конкурсгъа таклифлер 2019-нчу йылны февраль айыны 10-у болгъунча къабул этиле ва шу телефонлардан маълумат алма бажарыла: 8-800-700-18-45; 8-861-213-10-61, premiyn.compass@mail/ru.
Бизин маълумат.
