Россияны Ахтарыв комитетини председатели Александр Бастрыкин сентябр айны 5-нде иш сапар булан бизин республикагъа гелген ва шо гюн Дагъыстан Республиканы Башчысыны борчларын заманлыкъгъа кютеген Владимир Васильев булан ёлугъув оьтгерген.
Ёлугъувну вакътисинде В.Васильев ва А.Бастрыкин регионда экономика аманлыкъны болдурмакъ учун коррупциягъа къаршы этилеген ишлени гьасиллерине къарагъан. Республиканы оьр гьакимият къуллукъларында ишлеп, гьали ахтарывлар юрюлюп турагъан чиновниклени уголовный ишлерини гьакъында да сёз юрюлген.
Владимир Васильев Россияны Ахтарыв комитетини къуллукъчуларына Дагъыстанда яшайгъанланы аманлыгъы учун этилеген гьар гюнлюк иши саялы баракалла билдирген. Александр Бастрыкин де, оьзюню янындан республикада ихтиярланы якълайгъан къуллукъчулагъа жинаятчылыкъ булангъы ябушувда этеген къошум саялы разилигин англатгъан ва энниден сонг да ватандашланы яшавларына хыянатчылыкъ гелтиреген ишлерден къоруп сакъламакъ учун юрюлеген гьаракат узатылажагъын эсгерген.
Бизин маълумат.
