Авур аврувдан сонг, арбагюн, сентябр айны 6-сында, арабыздан бирдагъы бир иш ёлдашыбыз гетди. «Ёлдаш» газетни редакциясында компьютер къуллукъчу болуп ишлеп тургъан  къайсыбызгъа да  бек ювукъ адамыбыз Солтанат Къайырбекованы даимликге тас этдик.

Солтанат оьзюню касбусун ким де сукъланардай бажарывлу кюйде кютегенден къайры, янгыз оьзюню дос-къардашыны арасында тюгюл, даим иш ёлдашларына сырдаш, герти къурдаш гьисапда табылып биле эди. Ол оьзюню илиякълыгъы, сабурлугъу саламатлыгъы булан да бизин  арабызда герти абургъа-сыйгъа лайыкълы болгъан адам эди.

Гьар кимге оьмюр оьлчевлю бериле деп айталар. Тенгирибизден гелген къадарына амал ёкъ…. «Ёлдаш» газетни бары да къуллукъчулары, иш ёлдашыбыз  Солтанат Къайырбекова гечинмеклиги булан байлавлу болуп ону уягьлюсю Нуритдинге, къардашларына, ювукъ адамларына гьакъ юрекден къайгъырышагъанын билдире. Гюнагьларындан Аллагь гечсин, рагьмат этсин. Ятгъан ери ярыкъ болсун. Жаны яхшы женнетлени тёрюнде болсун!

 

«Ёлдаш» газетни редакциясыны къуллукъчулары.