Шулай ат булан Магьачкъаладагъы «Дагпресс Медиа» деген ачыкъ акционер жамиятны издательствосунда белгили журналист, шаир Абдулвагьап Межитовну китабы чыкъгъан. Бу китапда орус пачалар 1604–1605-нчи йыллар Къумукъ шавхаллыкъгъа этген чапгъынланы гьакъында поэма ерлешдирилген.
Поэма бёлюклеге бёлюнюп, шулай башлар булан бир-биринден айрыла: «Къанлыдан къанлы», «Къыйынлы яшлыкъ», «Чапгъындан чапгъын», «Къараман къыргъын» ва «Къыргъын».
А.Межитов яратывчулукъ ёлуна школа чагъындан берли тюшген. Поэзия ва проза тармакъларда берекетли кюйде чалыша туруп, он бешге ювукъ китаплары, романы, публицистика материаллары чыкъгъан. Авторну бу гезикли китабы да охувчулар учун пайдалы болур деп эсибизге геле.
Бизин мухбирибиз
