Россияны Ахтарыв комитетини Дагъыстан ахтарыв управлениеси Магьачкъалада жагьил къатынгишини токъалагъан  30 йыллыкъ ерли адамгъа къаршы уголовный иш ачгъан.

Ахтарывчулар билдиреген кюйде, ол июль айны 13-нде  эртен сагьат 4-де шагьарны Мирзабековну атындагъы орамында ерлешген ресторанланы бирисинде таныш эки къатынгиши булан ял ала болгъан. Эртен сагьат 4-де эсирген кююнде олар булан ресторандан чыкъгъан ва  арасында эришив башлангъан. Ачувлангъан эргиши къатынланы бирисин бетине юмуругъу булан гючю бар чакъы уруп ерге йыкъгъан.

Шо агьвалатны къырыйындагъы кёп къабатлы уьйлерде турагъан адам кисе телефонуна чыгъаргъан ва видеороликни Интернетде ерлешдирген. Узакъ къалмай жинаятчы тутулгъан.

Республиканы Ич ишлер министерлигини пресс-къуллугъуну башчысы Гаяна Гариева айтагъан кюйде, Интернетде шо къытынлар Дагъыстангъа  къонакълай гелген туристлер эди деген маълумат дурус тюгюл.

 

Алав Алиев.