«Экология» деген милли борчну оьлчевюнде, уьлкебизни оьзге бойларында йимик, Дагъыстанда да артдагъы йылларда айлана якъны тазалыгъын ва аманлыгъын болдурувгъа айрыча тергев бакъдырыла. Эсгерилген пачалыкъ программада айлана якъгъа ташланагъан къатты къалды-къулдуланы айырып ишлетивню гьакъында айрыча хат булан эсгериле. Шону гьисапгъа алып 2024-нчю йылда Дагъыстанда Хасавюртда, Къарабудагъгент районда ва Дербентде къатты къалды-къулдуланы ишлетеген 3 заводну къурулушун тамамлап пайда-ландырывгъа бермеге умут этилине.
Дагъыстан – аграр республика. Айтмагъа сюегенибиз, респуб-ликабызны юрт хозяйство тармакъларында оьсюмлюкчюлюкде йимик гьайванчылыкъда да зараллы аврувланы ва зиянлы жанланы алдын алмакъ мурат булан йыллар боюнда гьар тюрлю агъулу химикатлар къоллана.
Белгили болгъан кюйде, агъулу дарманлар гьар тюрлю. материаллардан этилинген къутукълагъа, шишалагъа ва къаплагъа тёшелип сатыла. Къоллавдан сонг шоланы сонггъу къысматы нечик бола деген сорав тувулуна.
Яшырмагъа негер тарыкъ, шолар аслу гьалда ер-ердеги чёплюклеге ташланып, айлана якъдагъы топуракъны ва гьаваны тазалыгъын дагъыдан-дагъы заралландыра. Демек, заралны уьстюне дагъы да зарал бола.
Арт вакътилерде республикабызны башгъа-башгъа муниципал къуру-лувларында башалман кюйде амалгъа гелген чёплюклени тайдырывгъа байлавлу чараларда да шо ачыкъ болуп гёрюне.
– Шону учун юрт хозяйствода сурсат маллар оьсдюрюв булан машгъул болагъан къурумлагъа ва айрыча адамлагъа агъулу химикатлардан бошалгъан алатланы якъ-якъгъа ташламайгъан кюйде аманлыкъ учун шоланы жыйып, тийишли ерлеге тапшурма тарыкъ болажакъ, – дей «Россельхозцентрны» Дагъыстанда иш гёреген пачалыкъ идарасыны башчысы Жанна Къазанбиева. – Ёгъесе, таклифлеге бойсынмай зарал этегенлер гележекде административ къайдада жавапгъа тартылажакъ.
Артдагъы вакътилерде оьтгерилген ахтарывланы натижалары малим этеген кюйде, юрт хозяйство малланы оьсдюрюв булан машгъул болагъанлар оьзге тюрлю алатланы йимик къалыкъ къутукъланы да яллата. Шолайлыкъда, айлана якъны гьавасыны тазалыгъына къоркъунчлукъ тувулуна. Къор-къунчлу агъулу тютюн буса, адамланы, айлана якъдагъы жан-жаныварны савлугъун бузагъаны гьакъда унутма тюшмей.
