Юрюш, ташыв кёп. Озокъда, булай шартларда ёлланы тийишли болагъан кюйде сакъламакъ масхара иш тюгюл. Шогъар да къарамайлы, Буйнакскидеги ёллар къурагъан жамият (алдынгъы ДРСУ) ёллагъа къаравну ва къуллукъ этивню борчларын айрокъда бу йыл хыйлы къолай кюте. Буссагьат ер-ерде этилип турагъан ёл ишлер де шогъар яхшы шагьатлыкъ эте.
Мен гьали-гьалилерде Тёбен Къазанышдан Гьаркасгъа барагъан ёлну онгарагъан бригадагъа рас болдум. Эсгерилген ёлну багъыйлы кюйде сакъламагъа тынч тюгюл деп айта туруп кёп эшитгенмен. Ташыгъан янгур сувлар шону кёп ашай. Бу ёл оьзюню агьамиятлыгъына гёре 4-нчю категориягъа гире. Мен мунда юрюлеген гьаракатгъа къарап къувандым. КАМаз машинлер бирини арты булан бири ёл бойгъа чакъа тёге. Ондан алда грейдерлер къыргъычлары булан ёлланы тонкъусун, къаткъагъын тегишлеп оьтген. Гьали шо ёл битген деп айтса да ярайгъан даражасына етишген.
– Биз мунда ишлени чалт юрютюп турабыз. Явунлар саялы ишлеп болмай токътагъан гюнлерибиз де болду. 20 чакъырым мезгилдеги бу ёлну башлап теп-тегиш этдик. Къайыр, чакъа тёгюп, таптап, барышдырдыкъ. Эс этгенсиздир, ёлланы ягъа къырыйлары булан сув акъма арыкълар (кюветлер) этип онгаргъанбыз. Бизин идарагъа Муса Салаватов ёлбашчы болуп гелген сонг ишлер шайлы жанланды. Ону къасты булан 6 миллион манатгъа этме тарыкъ ишлени тендерде утгъанбыз. Шо ишлени бизге инанып «Автодор» деген идара буюргъана. Этилген чакъы ишлени сан янын таман чакъы тергев бакъдырабыз. Неге тюгюл, «Автодор» оьзю де, заман бир районну баш гьакими Даниял Шихсайитов да ерине гелип биз ишлейген кюйню яманокъ бек тергеп гетелер, – дей ёл идараны ёлбашчысыны заместители Айнутдин Гьюсейнов.
Ол эсгергени йимик, районну баш гьакимини кёмеги ва буюрувуна гёре идараны къуллукъчулары янгы охув йыл башлангъынча алда 10 школаны абзарына асфальт салгъан. Шо ишлеге 550 тоннадан да къолай асфальт – бетон гетген.
Дагъы да, «Дагавтодор» Тёбен Къазанышдан Оьр Къазанышгъа узатылгъан ёлну тюпден-ерден ярашдырып онгармагъа 11 миллион манат гёрсетген. «Ветеран» деген ерден таба юртну ортасына багъып барагъан уллу ёлну бир къадарына асфальт салынгъан чакъы бою шулай арив бир заманда да болмагъандыр. Къазанышгъа гиргинчеге ердеги уллу кёпюр де янгыртылып тура.
Айнутдин англатгъан кюйде, Къазанышны ичиндеги ёлну этилген кюю, демек, сан яны беш (5) болажакъ, дагъы да ерлерде ёллар онгарылажакъ къыш гелгинче. Лакъырыбызны барышында ол ювукъда оьзлени идарасы янгы техника алма болажакъны сююнюп эсгерди. Яхшы ишлейгенлени аты чыкъгъанда, ол мастер А. Гьажимагьамматов башчылыкъ этеген бригаданы бары да членлерин, УКХ-дан йиберилип гелип ишлейген грейдерчи В. Магьамматовну, катокну гьайдавчулары Б. Бикалаевни, Р. Устаевни, бирдагъы грейдерчи Д. Османовну макътады.
Мен гьали-гьалилерде Тёбен Къазанышдан Гьаркасгъа барагъан ёлну онгарагъан бригадагъа рас болдум. Эсгерилген ёлну багъыйлы кюйде сакъламагъа тынч тюгюл деп айта туруп кёп эшитгенмен. Ташыгъан янгур сувлар шону кёп ашай. Бу ёл оьзюню агьамиятлыгъына гёре 4-нчю категориягъа гире. Мен мунда юрюлеген гьаракатгъа къарап къувандым. КАМаз машинлер бирини арты булан бири ёл бойгъа чакъа тёге. Ондан алда грейдерлер къыргъычлары булан ёлланы тонкъусун, къаткъагъын тегишлеп оьтген. Гьали шо ёл битген деп айтса да ярайгъан даражасына етишген.
– Биз мунда ишлени чалт юрютюп турабыз. Явунлар саялы ишлеп болмай токътагъан гюнлерибиз де болду. 20 чакъырым мезгилдеги бу ёлну башлап теп-тегиш этдик. Къайыр, чакъа тёгюп, таптап, барышдырдыкъ. Эс этгенсиздир, ёлланы ягъа къырыйлары булан сув акъма арыкълар (кюветлер) этип онгаргъанбыз. Бизин идарагъа Муса Салаватов ёлбашчы болуп гелген сонг ишлер шайлы жанланды. Ону къасты булан 6 миллион манатгъа этме тарыкъ ишлени тендерде утгъанбыз. Шо ишлени бизге инанып «Автодор» деген идара буюргъана. Этилген чакъы ишлени сан янын таман чакъы тергев бакъдырабыз. Неге тюгюл, «Автодор» оьзю де, заман бир районну баш гьакими Даниял Шихсайитов да ерине гелип биз ишлейген кюйню яманокъ бек тергеп гетелер, – дей ёл идараны ёлбашчысыны заместители Айнутдин Гьюсейнов.
Ол эсгергени йимик, районну баш гьакимини кёмеги ва буюрувуна гёре идараны къуллукъчулары янгы охув йыл башлангъынча алда 10 школаны абзарына асфальт салгъан. Шо ишлеге 550 тоннадан да къолай асфальт – бетон гетген.
Дагъы да, «Дагавтодор» Тёбен Къазанышдан Оьр Къазанышгъа узатылгъан ёлну тюпден-ерден ярашдырып онгармагъа 11 миллион манат гёрсетген. «Ветеран» деген ерден таба юртну ортасына багъып барагъан уллу ёлну бир къадарына асфальт салынгъан чакъы бою шулай арив бир заманда да болмагъандыр. Къазанышгъа гиргинчеге ердеги уллу кёпюр де янгыртылып тура.
Айнутдин англатгъан кюйде, Къазанышны ичиндеги ёлну этилген кюю, демек, сан яны беш (5) болажакъ, дагъы да ерлерде ёллар онгарылажакъ къыш гелгинче. Лакъырыбызны барышында ол ювукъда оьзлени идарасы янгы техника алма болажакъны сююнюп эсгерди. Яхшы ишлейгенлени аты чыкъгъанда, ол мастер А. Гьажимагьамматов башчылыкъ этеген бригаданы бары да членлерин, УКХ-дан йиберилип гелип ишлейген грейдерчи В. Магьамматовну, катокну гьайдавчулары Б. Бикалаевни, Р. Устаевни, бирдагъы грейдерчи Д. Османовну макътады.
Абдулла ЗАЛИМХАНОВ.
Суратда: ёл ишлени барышындан бир мюгьлет.
