Гьар йыл дегенлей юрт хозяйстводагъы ишлер яхшылаша бара. Шо да техниканы янгыртывдан гьасил бола. Хозяйстволарда гючден ишлетип турагъан дыгъыжары чыкъгъан ва 30-40 йыл болагъан техника гьалиги талаплагъа жавап берип болмай, шону учун да сабанчылагъа этилеген кёмекни «Росагролизинг» оьзюню бойнуна алгъан. Шо къурумну Дагъыстандагъы бёлюгюню ёлбашчысы Чамсутдин Мутуев билдирген кюйде, 2019 – 2023-нчю йылларда республиканы сабанчыларына сонг тёлейген кюйде 1,1 миллиард манатгъа янгы техника берилген.
Эгер де юрт хозяйство ишлени юрютегенлер гетген йылда 670 миллион манатгъа 310 техника алгъан эди буса, бу йылны 9 айында 543 миллионгъа 230-ну алып битгенлер.
