Къызылюрт шагьарда Ватанны якълавчусуну гюнюне багъышлангъан гьаракат оьтгерилди. ДОСААФ-ны янындагъы автошколаны курсантлары да гьаракатны юрютювде жагь кюйде оьзлени ортакъчылыгъын болдурду.
Эсгерилген агьвалатгъа жыйылгъанлар давларда жанын къурбан этгенлени минутлукъ шыплыкъ булан эсге алдылар. ДОСААФ-ны автошколасыны ёлбашчысыны заместители Гьасан Абакаров «Ватанны якълавчусуну гюнюне» багъышлангъан гьаракат оьсюп гелеген яш наслуну асгер-патриот ругьда тарбиялавда аслу роль ойнайгъанын эсгерди.
Оьзюню сёйлевюню ахырында ол: «Бугюн биз Ватаныбызны аманлыгъын сакълайгъан , бизге парахатлыкъны болдурагъан якълав-чуларбызны атларын эсге алабыз ва олагъа тийишли гьюрметибизни этебиз. Ана Ватанын якълавда жанын къурбан этгенлени бизге бир заманда да унутмагъа ярамай. Оланы ярыкъ келпети бизин эсибизде даимге къалажакъ», — деди.
Алибек САЛАВАТОВ.
