Октябр айны 21-нде дагъыстанлы спортчу Ислам Магьачев Абу-Дабиде (ОАЭ) Александр Волкановски булангъы ябушувда чемпион белбавун якълагъан. Ол австралиецни биринчи раундда нокаут булан утгъан.
Ябушувдан сонг, И.Магьачев дагъыстанлылагъа оьзюню уьстюнлюгюн белгилеме тарыкъ тюгюл деп тилеген. «Сиз бугюн дюньяда не болуп тура-гъанны гёрюп турасыз, Палестинада гюнагьсыз адамланы – къартланы, къа-тынланы, яшланы къаны тёгюле. Бизин дуаларыбыз сизин булан!» – деген ол.
Тек чемпионну тилевюн дагъыстанлылар эшитмегенлер яда эшитме сюймегенлер. Мисал учун, Магьачкъалада бир мингден де артыкъ адам Ярагскийни атындагъы орамны бегетип, бийиме, къычырма, йырлама башлагъан. Гьатта машинлени уьстюне минип бийигенлер бар эди. Къарагъанда оланы Ювукъ Гюнчыгъышда болуп турагъан гьаллар бир якъдан да талчыкъдырмай.
Полициягъа ёл юрюшню ачмакъ учун, бир нече адамны тутмагъа тюшген.
Алав АЛИЕВ.
