Дагъыстанны Гьукуматыны Председателини орунбасары Муслим Телякъавов, министр Энрик Муслимов ва ДР-ни Башчысыны ва Гьукуматыны администрациясыны ёлбашчысыны орунбасары Рашит Акавов Россияны Азербайжандагъы элчиси Михаил Евдокимов булан ёлукъгъан.
Ёлугъувда эки де республиканы арасындагъы туризм, маданият, спорт, билим берив аралыкълары гьакъда лакъыр болгъан ва Дагъыстанны халкъ шаири Расул Гьамзатовну 100 йыллыгъын оьтгерив чараларда ортакъчылыкъ этме гелгенин билдирген.
Р.Гьамзатов Азербайжанны белгили язывчулары ва шаирлери Наби Хазри, Мирза Ибрагьимов, Сайит Рустам, Тофик Байрам, Ильяс Эфендиев ва Самед Вургун булан къурдашлыкъ юрютген.
1997-нчи йылда ол Азербайжан Республиканы Президенти Гейдар Алиев булан ёлукъгъан ва республиканы гьюрметли къонагъы болгъан. М.Телякъавов элчиге Расул Гьамзатовну юбилей китабын ва эсделик медалын тапшургъан. Дагъыстан делигация Уллу Ватан давну ортакъчыларыны ва Гейдар Алиевни эсделиклерине гюл байламлар салгъан.
Дагъыстанны делегациясы Баку шагьарны инг де уллу Маданият къаласында Р.Гьамзатовну 100 йыллыгъына багъышлангъан байрамда ортакъчылыкъ этген.
