Алдагъы гюнлерде Буйнакск районну администрациясында Донецск ва Луганск халкъ республикасында яшайгъан яшлагъа савгъатгъа китаплар йиберивге байлавлу гьаракат юрюлген.
Эсгерилген районну билим берив управлениесини Telegram- каналында билдирилегени йимик, шо гьаркат «Яшлар – яшлагъа», «Къурдашыма китап беремен» деген Бютюнроссия гьаракатны оьлчевюнде юрюле. Охув ожакъларда билим алагъан яшлар оьзлени ортакъчылыгъын болдургъан. Охув ожакъланы ёлбашчыларыны тарбиялав ишлеге къарайгъан насигьат-чылары оланы шо гьаракатгъа къуршамакъ учун айрыча къастын бол-дургъан.
Олар савгъатгъа йибермек учун ренкли суратлар булан безендирилип, арив исбарлангъан китапланы топлагъан. Шоланы арасында белгили шаирлени яшлар учун язылгъан шиъруларыны жыйымлары, хабар, ёммакъ китаплар да бар. Ювукъ гюнлени ичинде савгъатгъа йиберилежек китапланы гьарисине яшлар тенглилерине оьзлени ёравларын да язып етишдирген.
