Гетген жумада Хумторкъали район администрация участка сайлав комиссияланы членлери учун англатыв дарс гьисапда семинары оьтгерилди. Семинарда янгыз Хумторкъали район территория сайлав ва участка сайлав комиссияланы членлери де ортакъчылыкъ этдилер.
Олар Россияны Президентин сайлавгъа байлавлу янгылыкъланы, маълуматланы оьзлени сайлав участкаларындагъы сайлавчулагъа да етишдире. Территория сайлав комиссияны председатели Тимурлан Арсланбеков жыйылгъанлагъа маълумат – англатыв ишни нечик юрютме гереги гьакъда англатыв берди. Хумторкъали район администрацияны башчысыны заместители Бийсолтан Темирханов Россияны Президентини сайлавларыны алдында шо ёрукъдагъы ишлени юрютмекни агьамияты бары гьакъда да айтды. «Район администрациясы Президентни сайлавларыны алдында сан янлы ишни юрютмек учун сайлав комиссиялагъа бары да тарыкъ болагъан кёмегин этежек. Сайлавчуларда сайлав ишлени барышы гьакъда толу маълумат болмагъа тарыкъ,– деди Б. Темирханов.
Сайлав комиссияда кёп йыллар ишлейгенлени бирлерине Россияны гьюрметлев грамоталары тапшурулду.
Февраль айны 17-синден мартны еттиси болгъанча участка комиссияланы членлери юртларда абзарланы айланып, сайлавчулагъа тарыкъ маълуматлар бережек. Шо ишни кютмек учун Хумторкъали районда 47 адам къуршалажакъ.
Ж.ЗАКАВОВ
