Рамазан Эсенбаев — биринчи ерде

6-нчы февральдан 11-и болгъанча Каспийск шагьардагъы А.Алиевни атындагъы спорт комплексде Темиркъазыкъ ва Къыбла федерал округларыны бирлешген ярышлары оьтгерилди.  Муайтай ябушувдан (тай боксну бир къайдасы) оьтгерилген шо ярышларда эки де федерал округну 13 регионундан гелген 500 яш ортакъчылыкъ этди. Шолагъа бу йыл Къырым Республика да къошулду.

 

Жумагъа ювукъ юрюлген 12-17 йыллыкъ яшланы арасындагъы ярышларда биринчи ерни Дагъыстанны, экинчи ерни Краснодар крайны ва уьчюнчю ерни буса Къырымны яш спортчулары алдылар.

Дагъыстандагъы ко­манданы ортакъчысы, 57 кило авурлукъда ябушгъан Рамазан Эсенбаев 1-нчи ерни алды. Огъар оьтгерилген ярышланы инг яхшы  ябушувчусу деген ат да берилди.

– Рамазан гиччиден жагь яш эди, – дей ону уллатасы Руслан Нюрмагьамматов. – Шо­ну учун да спорт булан машгъул болма кёп яшлайын,­ 10 йыл болагъанда башлады. Ону тренери Арслан Мамедов да яшны гьаракатын ушата. Гьали Рамазангъа 17 йыл бола, ол Дагъыстан пачалыкъ университетни юристлер гьазирлейген коллежини студенти. Шу ярышларда утгъанлар Россияны ярышларында ортакъчылыкъ этежеклер.

Рамазан уьйге къайтгъан гюн ону къутлама доскъардашы жыйылды. Шагьар администрацияны вакили Элмурза Деветов яш улангъа спортда дагъы да уллу оьрлюклер ва Россия оьлчевдеги ярышларда да уьстюнлюклер ёрады.

 

Г.БЕК.

СУРАТДА: ярышларда 1-нчи ерни алгъан Рамазан Эсенбаев ва Элмурза Деветов (онгда).

 

Авторизация
*
*
Регистрация
*
*
*
Согласны с условиями сайта?
Генерация пароля