Магьачкъладагъы Ленин район судунда Юсуп Муталимовну уголовный ишине къаралгъан. Суд ону 2 йылгъа шарт булан эркинликден магьрюм этмек деген къарар чыгъаргъан.

 

Бир гюн Ю.Муталимов уьюне шайлы эсирген кююнде гелген. Шо мюгьлетде 6 йыллыкъ уланы телевизоргъа къарай болгъан. Огъар акъырып, къычырып телевизорну тез сёндюрмекни талап этген. Уланы буйругъун кютме онча алгъасамай деген багьана булан, огъар ургъан. Къавгъагъа башгъа уьйден къатыны чыгъып гелген ва яшын якълама къарагъанда жинаятчы агьлюсюне тапанча булан атышгъан ва авур яралагъан.

Тюзюн айтгъанда, суд жинаятчыгъа шонча да «рагьмулу» янашгъанын англама къыйын. Шо судда август  айда Ю.Муталимовну башгъа ишине къаралгъан эди. Ол эсирип шагьарны ичинде лаявлюп айланагъанда ­оьтеген-барагъан адамлагъа эдепсиз сёзлени де айтып илине болгъан. Шо заман ол къоду булан къутулду.

 

Алав АЛИЕВ.