Тюнегюн «Дагъыстан» деген маълумат агентлигинде Россияны ватан-дашлыкъ оборонагъа, къыставуллу гьаллагъа ва хатарбалагьланы алдын алыв ишлерине къарайгъан министерлигини баш управлениесини Дагъыстан Республикадагъы бёлюгюню ёлбашчысыны заместители, полковник Сулейман Рамазанов булан прес-конференция оьтгерилди.
Ону айтывуна гёре, Дагъыстанда апрель айдан башлап агъачлыкъларда от тюшювню къоркъунчулугъу ва майны 10-ндан башлап язбашгъы ташгъынланы къыставуллу вакътиси башлана. С. Рамазанов эсгерген кюйде, Россияны МЧС-ини баш управлениесини Дагъыстан бёлюгю къыставуллу гьалланы алдын алмакъ учун бары да гючюн салып гьазирликде тура.
Бугюнлерде ватандашланы арасында гьар тюрлю къыставуллу, къаравул-ланмагъан табиат гьалланы гьакъында алданокъ билдирив чаралар гёрюле. Шону натижасында кёп санавда къаравулланмагъан къыставуллу табиат гьалланы алдын алмагъа бажарыла. Алдагъы йылларда да, мисал учун, от тюшювню алдын алмагъа бажарылды. МЧС-ни ватандашлагъа маълуматланы етишдиреген 92 къуралы бар.
Къаравулланмагъан табиат гьаллагъа тюшюп зарал гёрген ватандашлар «Госуслуги» сайтдан таба кёмек учун арза язмагъа ва пачалыкъ къуллукълар булан да пайдаланмагъа бола.
П. БЕКЕЕВА.
