Алдагъы гюнлерде Дагъыстан  пачалыкъ  халкъ хозяйство университетде охувчу яшланы арасында обществознаниеден мердешли кюйде юрюлеген бютюнроссия олимпиаданы  республика  бёлюгю оьтгерилген.

 

Шо  олимпиадада Къарабудагъгентдеги гимназияны 11-нчи класыны охувчу къызы Нюрсагьадат Османова ортакъчылыкъ этген ва оьзюню  сан янлы билимлерин  гёрсетмеге бажаргъан. Ачыкълашдырып айтгъанда, оьтгерилген олимпиаданы эки де тиретини гьасиллерине гёре республиканы районларындан ва шагьарларындан гелген охувчуланы арасында ол 2-нчи ерни къазангъан.

Озокъда,  ону шо уьстюнлюгюнде эсгерилген предметден  дарс береген Мадина  Гьажиеваны да  айрыча къошуму бар экени де англашылмай тюгюл.

Нюрсагьадатны ва ону муаллимин етишген уьстюнлюгю булан къутлап, гележекде дагъы да оьрлюклер ёрайбыз.

 

Насрулла БАЙБОЛАТОВ.

СУРАТДА: Н. Османова (солда).